JOHN 16:2 - Edisana ñwed Abasi Ibom

² Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

JOHN 16:2 ပူးပေါင်းရင်းမြစ်များ

ISAIAH 65:5

Da do, kusaŋa ukpere mi, koro nsanade ŋkan fi. Mmɔ emi edi nsuŋikaŋ ke ibuo mi, ikaŋ eke asakde ke ofuri usen.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

DANIEL 11:33

Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

MATTHEW 10:28

Ekunyuŋ efehe mmɔ emi ewotde ikpɔhidem, edi mikemeke ndiwot ukpɔŋ: edi ekam efehe Enye emi ekemede ndisobo ukpɔŋ ye ikpɔhidem ke hell.

MATTHEW 24:9

Ke ini oro ke eyeda mbufo eyak enɔ ukut, enyuŋ ewot mbufo: kpukpru mme idut eyenyuŋ esua mbufo kabaŋa enyiŋ Mi.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

JOHN 12:42

Edi kpa ke otu mme andikara ediwak owo ebuɔt idem ye Enye; edi ke ntak mme Pharisee mmɔ iyarakere iwut, mbak edibin mmɔ esio ke synagogue.

JOHN 16:25

Ŋketiŋ mme ŋkpɔ emi nnɔ mbufo ke ŋke: ini ke edi eke mmenditiŋke ŋkpɔ nnɔ mbufo aba ke ŋke edi nyesian mbufo iŋwaŋ-iŋwaŋ mbaŋa Ete.

JOHN 16:32

Sese, ini ke edi, onyuŋ ededi ama, eke mbufo edisuanade, kpukpru mbufo edinyuŋ enyɔŋde ke ebiet mbufo, edinyuŋ ekpɔŋde Mi ikpɔŋ: edi ntiehe ikpɔŋ, koro Ete odude ye Ami.

JOHN 4:21

Jesus ete enye, Ŋwan owo, nim Mi ke akpanikɔ; ini ke edi, eke mbufo edituakde ibuot enɔ Ete, idige ke obot emi inyuŋ idige ke Jerusalem.

JOHN 4:23

Edi ini ke edi, omonyuŋ ededi ama, eke ata mme andituak ibuot edituakde ibuot enɔ Ete ke spirit ye ke akpanikɔ: koro edi mmɔ eke etiede ntem ke Ete oyom ete etuak ibuot enɔ Imɔ.

JOHN 9:22

Ete ye eka esie edɔhɔ ntem, koro mmɔ efehede mme Jew; koro mme Jew ema ekediomi ete, edieke owo onyimede ete Jesus edi Christ, iyebin owo oro isio ke synagogue.

JOHN 9:34

Mmɔ ebɔrɔ enye ete, Afo akamana ke idiɔk-ŋkpɔ ofuri-ofuri: nte afo ekpekpep nnyin ŋkpɔ ndien? Ntem ke mmɔ ebin enye eduɔk.

UTOM MME APOSTLE 5:33

Edi ke ini mmɔ ekopde ikɔ emi, esit ofut mmɔ eti-eti, mmɔ enyuŋ eyom ndiwot mmɔ oro.

UTOM MME APOSTLE 7:56

ye Jesus nte adade ke ubɔk nnasia Abasi, onyuŋ ɔdɔhɔ ete, Sese, mmokut heaven nte anade iŋwaŋ, mmonyuŋ ŋkut Eyen Owo nte adade ke ubɔk nnasia Abasi.

1 ŊWED CORINTH 4:13

ke ini ebiatde nnyin enyiŋ, nnyin isuk ikpe ye owo. Nnyin imakabare itie nte ndek-ndek ŋkpɔ ke ererimbot, ye nte ndisɔi ŋkpɔ, tutu osim mfin emi.

ŊWED MBON PHILIPPI 3:6

ke ikɔ ibet, ndi Pharisee; ke ikɔ ifiopesit, mma ŋkɔbɔ ufɔk Abasi; ke ikɔ eti ido eke otode ke erinim ibet, owo ikwe ŋkpɔ ndibiom ke idem mi.

ERIYARARE 6:9

Ke adaŋemi Enye ama akadianare ɔyɔhɔ ufik-ŋkpɔ ition, ŋkut ke idak itie-uwa mme ukpɔŋ owo emi ekewotde kabaŋa ikɔ Abasi ye ikɔ-ntiense eke mmɔ enyenede.

JUDGES 6:30

Ekem mbio-obio edɔhɔ Joash, ete, Da eyen fo wɔrɔ di, man enye akpa: koro enye okowuride itie-uwa Baal, onyuŋ asiakde eto-mkpe emi adade enye ke ŋkaŋ.