JOHN 16:16 - Edisana ñwed Abasi Ibom

¹⁶ Ke ekpri ibio ini mbufo idikwe Mi aba, ke ekpri ibio ini ŋko mbufo eyekut Mi.

JOHN 16:16 ပူးပေါင်းရင်းမြစ်များ

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

JOHN 12:35

Mmɔdo Jesus ɔbɔrɔ mmɔ ete, Uŋwana eyesuk odu ye mbufo ke ekpri ini. Esaŋa ke adaŋemi mbufo enyenede uŋwana, mbak ekim edisim mbufo; koro owo eke asaŋade ke ekim ifiɔkke ɔtɔ nte enye akade.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 13:33

Ŋkpri nditɔ, nnyene ndidu ye mbufo kaŋa ke ekpri ini. Mbufo eyeyom Mi: ndien, kpa nte ŋkɔhɔde mme Jew nte, Mbufo ikemeke ndisim ɔtɔ nte ŋkade, ndɔhɔ mbufo suk ntre ke emi.

JOHN 16:10

abaŋa edinen ido, koro nnyɔŋde ntiene Ete, mbufo midinyuŋ ikwe Mi aba;

JOHN 16:22

Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

JOHN 16:5

Edi mmɔŋ ndinyɔŋ ke emi ntiene Enye emi ɔkɔdɔŋde Mi; mbufo baba owo kiet inyuŋ ibupke Mi ite, aka mmɔŋ?

JOHN 17:13

Edi ke emi mmɔŋ nnyɔŋ ntiene Fi; ndien ntiŋ mme ŋkpɔ emi ke ererimbot, man mmɔ enyene idaresit Mi ɔyɔhɔ-ɔyɔhɔ ke esit mmɔ.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 7:33

Mmɔdo Jesus ete, Ke ekpri ibio ini kaŋa ndu ye mbufo, ndien ndinyɔŋ ntiene Enye emi ɔkɔdɔŋde Mi.

UTOM MME APOSTLE 1:3

Enye onyuŋ ada ediwak idiɔŋɔ owut mmɔ Idem Esie nte odu-uwem, ke mkpa Esie ama ekebe, owut mmɔ Idem usen aba, onyuŋ etiŋ ŋkpɔ abaŋa Obio Ubɔŋ Abasi.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.