JOHN 15:7 - Edisana ñwed Abasi Ibom

⁷ Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

JOHN 15:7 ပူးပေါင်းရင်းမြစ်များ

1 NDIDEM 3:5

Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

ŊWED JOB 22:26

Koro afo eyedara Abasi Ibom, ndien, onyuŋ emenere iso fo ese Abasi.

ŊWED JOB 23:12

Ama edi ewuhɔ inua esie, nnyuŋ ŋkabakede ŋkpɔŋ enye; mmonim ikɔ inua esie ŋkan uduak mi.

ŊWED MME PSALM 119:11

Mmada ikɔ fo ndip ke esit mi, man ŋkudue fi.

ŊWED MME PSALM 37:4

Yak Jehovah onyuŋ adat fi esit; ndien enye eyenɔ fi se esit fo oyomde.

MME ŊKE 10:24

Se idiɔk owo efehede, oro edisim enye: edi eyenɔ se nti owo eyomde.

MME ŊKE 4:4

Ndien enye eteme mi, onyuŋ ɔdɔhɔ mi, ete, Yak esit fo afat ikɔ mi; kpeme mbet mi, nyuŋ du uwem.

ISAIAH 58:8

Ndien uŋwana fo eyesiaha nte usiere, nsɔŋidem fo eyenyuŋ awara nditibe: ndien edinen ido fo eyebem fi iso; ubɔŋ Jehovah eyenyuŋ asaŋa fi ke edem.

JEREMIAH 15:16

Emekut ikɔ fo, ndien ndia mmɔ; ndien ikɔ fo, ekabare edi ŋkpɔ idara ye inemesit mi: koro ŋkerede enyiŋ fo, O Jehovah Abasi mme udim.

MATTHEW 7:7

Ebeŋe, ndien eyenɔ mbufo; eyom, ndien mbufo eyekut; etuak, ndien eyesio usuŋ enɔ mbufo:

JOHN 14:13

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 16:23

Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

JOHN 8:31

Ntre ke Jesus ɔdɔhɔ mme Jew oro enimde Enye ke akpanikɔ ete, Edieke mbufo esɔŋɔde eda ke ikɔ Mi, mbufo edi mbet Mi ke akpanikɔ:

JOHN 8:37

Mmɔfiɔk nte mbufo edi nditɔ Abraham: edi mbufo eyom Mi ndiwot, sia ikɔ Mi minyeneke itie ke esit mbufo.

ŊWED MBON GALATIA 4:2

enye esine ke idak mme andikpeme ye mme akama-ukpɔhɔre, tutu osim ini eke ete esie ekebierede onim.

ŊWED MBON GALATIA 5:16

Edi mmɔdɔhɔ mbufo nte, Esaŋa ke Spirit, ndien mbufo idinamke se idɔŋde obukidem.

DEUTERONOMY 6:6

Ndien yak mme ikɔ emi ami ntemede fi mfin emi, edu fi ke esit:

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

1 JOHN 2:14

Mma ŋwewet nnɔ mbufo mme ete, koro mbufo efiɔkde Enye emi ɔkɔtɔŋɔde ke eritɔŋɔ odu. Mma ŋwewet nnɔ mbufo, mkparawa, koro mbufo ekopde idem, ikɔ Abasi onyuŋ oduŋde mbufo ke esit, mbufo ema enyuŋ ekan andidiɔk.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

1 JOHN 3:22

nnyin inyene uko ye Abasi; iyenyuŋ ibɔ se ededi eke ibeŋede ke ubɔk Esie, sia nnyin inimde mbet Esie, inyuŋ inamde se inemde Enye esit.

1 JOHN 5:14

Nnyin imonyuŋ ibure ifiɔk ibaŋa Enye, ite, edieke nnyin ibeŋede ŋkpɔ ekededi nte ekemde uduak Esie, Enye ɔbiɔŋ utɔŋ ke ebeŋe nnyin;