JOHN 15:5 - Edisana ñwed Abasi Ibom

⁵ Ami ndi vine, mbufo edi mme ŋkɔk: owo eke oduŋde Mi ke idem, Ami nnyuŋ nduŋde enye ke idem, kpa enye oŋwum mfri ekese: koro esiode Mi efep, mbufo ikemeke ndinam baba ŋkpɔ kiet.

JOHN 15:5 ပူးပေါင်းရင်းမြစ်များ

MME ŊKE 11:30

Mfri eti owo edi eto uwem; ndien eyene-ibuot owo omum ukpɔŋ.

HOSEA 4:8

Mmɔ edia idiɔk ido ikɔt mi, enyuŋ esin esit mmɔ ke mme ukwaŋ-ŋkpɔ mmɔ.

MATTHEW 13:21

edi enye inyeneke oruŋ ke idem esie; ntre ke enye ebigi ke ini esisit; edi ke adaŋemi ukut mme isin-enyin otibede ke ntak ikɔ oro, idaha oro enye ɔduɔ.

JOHN 12:24

Ke akpanikɔ ke ndɔhɔ mbufo, Adaŋa nte mkpasip ibokpot miduɔhɔ isine ke esit isɔŋ ikpa, enye osuk odu ke idem esie ikpɔŋ; edi enye ama akpa, oŋwum ekese mfri.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 5:19

Ntre ke Jesus ɔbɔrɔ mmɔ ete, Ke akpanikɔ ke ndɔhɔ mbufo, Eyen ikemeke ndinam baba ŋkpɔ kiet ke Idem Esie, ke mibɔhɔke se okutde nte Ete anamde; koro ŋkpɔ ekededi eke Ete anamde, kpa oro ŋko ke Eyen onyuŋ etiene anam.

JOHN 9:33

Edi nte ededi, edieke owo emi mikpotoho Abasi, Enye ikpekemeke ndinam ndomo ŋkpɔ kiet.

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

ŊWED MBON ROME 12:5

ntre ŋko, nnyin, emi iwakde, idi ikpɔhidem kiet ke Christ, nnyin kpukpru inyuŋ idi ndido inɔ kiet eken.

ŊWED MBON ROME 6:22

Edi ke emi ema ekosio mbufo itie-ufin idiɔk-ŋkpɔ, enyuŋ enam mbufo edi ikɔt Abasi, mbufo esioŋo mfri eke ɔwɔrɔde edisana ido ɔnɔ mbufo, utit esie onyuŋ edi nsinsi uwem.

ŊWED MBON ROME 7:4

Mmɔdo nditɔ-ete mi, ekeda ikpɔhidem Christ esin mbufo ekpaŋa ewɔrɔ ke idak ibet, kpaŋ mbufo ekpekabare ediana ye Owo efen, kpa Enye emi ekesetde ke mkpa, man nnyin isioŋo mfri inɔ Abasi.

1 ŊWED CORINTH 10:16

Cup eridiɔŋ eke nnyin idiɔŋde, nte oro idige eribuana iyip Christ? Uyo eke nnyin ibuŋde, nte oro idige eribuana ikpɔhidem Christ?

1 ŊWED CORINTH 12:12

Koro kpa nte ikpɔhidem edide kiet, onyuŋ enyenede ediwak ndido, ndien kpukpru ndido ikpɔhidem, eke ewakde, edide ikpɔhidem kiet, kpasuk ntre ke edi ye Christ.

1 ŊWED CORINTH 12:27

Ntre ŋko ke mbufo edi ikpɔhidem Christ, kpukpru mbufo enyuŋ edi mme ndido Esie.

2 ŊWED CORINTH 13:8

Koro nnyin mikemeke ndinam ŋkpɔ mbiɔŋɔ akpanikɔ, edi inanam ŋkpɔ ida ye akpanikɔ.

2 ŊWED CORINTH 9:10

Edi Enye emi ɔnɔde ɔtɔ-iŋwaŋ mkpasip nditɔ, onyuŋ ɔnɔde udia ete adia, eyenɔ mbufo mkpasip nditɔ, eyenyuŋ anamɔtɔt, onyuŋ anam mfri edinen ido mbufo awak akan.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

ŊWED MBON PHILIPPI 4:17

Idige nte nyom enɔ, edi nyom mbufo eŋwum mfri eke edidiɔŋde diɔŋ ɔwɔrɔ mbufo udori.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

ŊWED MBON COLOSSAE 1:6

emi oŋwumde mfri onyuŋɔdiɔŋde diɔŋ ɔkɔri ke ofuri ererimbot, onyuŋ anamde ntre ke otu mbufo ŋko, toto ke usen emi mbufo ekekopde enyuŋ efiɔkde mfɔn Abasi ke akpanikɔ;

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.