JOHN 15:4 - Edisana ñwed Abasi Ibom

⁴ Eduŋ Mi ke idem, Ami nnyuŋ nduŋ mbufo ke idem Nte ŋkɔk mikemeke ndiŋwum mfri ke idem esie, ibɔhɔke enye oduŋ ke vine, kpasuk ntre ke mbufo ikemeke ndiŋwum mfri, ibɔhɔke mbufo eduŋ Mi ke idem.

JOHN 15:4 ပူးပေါင်းရင်းမြစ်များ

IKWƆ SOLOMON 8:5

Anie owo edi emi otode ke wilderness, eberedem ke ama esie? Ŋkedemere fi ke idak eto apple: do ke uka akaman fi: do ke uman okotuk andiman fi.

HOSEA 14:8

“Ami Ephraim nsaŋa nso ŋko ye ibɔk?” “Ami nyere: nyenyuŋ ntiŋ enye enyin ke idem:” “Ami mbiet awawa cypress.” “Ekut nte mfri fo otode mi.”

MATTHEW 12:33

Enam eto ɔfɔn, enyuŋ enam mfri esie ɔfɔn; midige ntre, enam eto edi mbiara, enyuŋ enam mfri esie edi mbiara ŋko: koro eda mfri efiɔk eto.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

JOHN 14:20

Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 17:23

man Ami ndu ke esit mmɔ, Afo onyuŋ odu ke esit Mi, man mmɔ ekabare efɔn ema edi kiet edehe; man ererimbot efiɔk ete edi Afo okosio Mi ɔdɔŋ, omonyuŋ ama mmɔ, kpa nte akamade Mi.

JOHN 6:56

Owo eke adiade obukidem Mi, onyuŋ ɔŋwɔŋde iyip Mi, osuk oduŋ Mi ke idem, Ami nnyuŋ nduŋ enye ke idem.

JOHN 8:31

Ntre ke Jesus ɔdɔhɔ mme Jew oro enimde Enye ke akpanikɔ ete, Edieke mbufo esɔŋɔde eda ke ikɔ Mi, mbufo edi mbet Mi ke akpanikɔ:

UTOM MME APOSTLE 11:23

ndien ke adaŋemi enye akade onyuŋ okutde mfɔn Abasi, enye adat esit; onyuŋ ekpe ye mmɔ kpukpru ete mmɔ eda iwukesit ediana ye Ɔbɔŋ:

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

2 ŊWED CORINTH 13:5

Edomo idem mbufo ese mme mbufo edu ke mbuɔtidem: etim edomo idem mbufo efiɔk. Nte mbufo ifiɔkke ibaŋa idem, ite, Christ oduŋ mme imɔ ke esit? Edieke midige ntre, mbufo edi mbukpo owo.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

ŊWED MBON COLOSSAE 2:6

Nte mbufo ema ekɔbɔ Christ Jesus Ɔbɔŋ ndien, esasaŋa ke Enye;

1 ŊWED THESSALONICA 3:5

Ke ntak emi ami ŋko ŋkekemeke ndime ime aba, nsio owo ndɔŋ, man mfiɔk mbaŋa mbuɔtidem mbufo, mbak ke usuŋ ekededi andidomo ama odomo mbufo, okpɔsɔŋ utom nnyin okponyuŋ ɔwɔrɔ ikpikpu.

MME HEBREW 10:39

Edi nnyin idige mbon mfiakedem ŋka nsobo; edi idi mmɔ emi ebuɔtde idem isim erinyaŋa ukpɔŋ.

1 JOHN 2:6

Nnyin ida emi ifiɔk ite idodu ke Enye: owo eke ɔdɔhɔde ete imɔ iduŋ ke Enye, akpasaŋa odu uwem kpa nte Enye akasaŋade.

2 JOHN 1:9

Kpukpru owo eke adade ibuot usuŋ, minyuŋ isukke idem itie ke ukpep-ŋkpɔ Christ, inyeneke Abasi; owo oro osukde idem etie ke ukpep-ŋkpɔ oro enyene Ete, onyuŋ enyene Eyen.