JOHN 15:24 - Edisana ñwed Abasi Ibom

²⁴ Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 15:24 ပူးပေါင်းရင်းမြစ်များ

ŊWED MME PSALM 81:15

Mmɔ eke esuade Jehovah ekpenem inua enɔ enye; ndien eyo mmɔ ekpebigi ke nsinsi.

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

MME ŊKE 8:36

Edi owo eke eduede mi abiat ukpɔŋ esiemɔ: kpukpru mmɔ eke esuade mi, ema mkpa.

MATTHEW 11:5

mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 21:32

Koro John akasaŋa ke usuŋ edinem ido etiene mbufo, ndien mbufo inimke enye ke akpanikɔ; edi mme publican ye mme akpara enim enye ke akpanikɔ; ndien ke ini mbufo ekutde, ituaha mkpɔfiɔk ke ukperedem, man mbufo nde enim enye ke akpanikɔ.

MATTHEW 9:33

Ndien ke Enye ama ekebin demon ɔduɔk, owo imum etiŋ ikɔ: ndien enyene mme otu owo ndyɔ, mmɔ enyuŋ edɔhɔ ete Akananam owo ikwe oruk ŋkpɔ eke etiede ntem ke Israel.

MARK 2:12

Ekem owo oro adaha ke enyɔŋ, emen mbri esie ini kiet, onyuŋ asaŋa ɔwɔrɔ ke iso mmɔ kpukpru: esin idem akpa mmɔ kpukpru, mmɔ enyuŋ etoro Abasi ete, Akananam nnyin ikwe oruk ŋkpɔ emi.

LUKE 24:19

Jesus ɔdɔhɔ mmɔ ete, Nso idi oro? Mmɔ edɔhɔ Enye, Se ibaŋade Jesus emi otode ke Nazareth, emi ekedide prophet eke enyenede odudu ke ubɔk-utom ye ke ikɔ-inua ke iso Abasi ye ke iso kpukpru mbio-obio:

JOHN 10:32

Jesus ɔbɔrɔ mmɔ ete, Ŋkowut mbufo ediwak nti utom eke etode Ete; mbufo etɔ Mi ke itiat kabaŋa utom ewe ke otu mmɔ?

JOHN 10:37

Edieke mmenamke utom Ete Mi, ekunim Mi ke akpanikɔ.

JOHN 12:10

Edi ikpɔ oku eduk odu, ete iwot Lazarus ŋko,

JOHN 12:45

ndien owo eke okutde Mi okut Enye emi ɔkɔdɔŋde Mi.

JOHN 14:9

Jesus ete enye, Nte mmodu ye mbufo adaŋa anyan ini emi, ndien udiɔŋɔke Mi, Philip? Owo eke okokutde Mi okokut Ete; anam didie ndien ɔdɔhɔ ete, Wut nnyin Ete?

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

JOHN 15:22

Edieke mmeŋkpedige nditiŋ ŋkpɔ nnɔ mmɔ, mmɔ ikpenyeneke idiɔk-ŋkpɔ: edi ke emi mmɔ inyeneke se etiŋde enyaŋa idem ke idiɔk-ŋkpɔ mmɔ.

JOHN 15:23

Owo eke asuade Mi asua Ete Mi nde.

JOHN 16:9

abaŋa idiɔk-ŋkpɔ, koro mmɔ mibuɔtke idem ye Ami;

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 5:36

Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

JOHN 6:36

Edi mma ndɔhɔ mbufo nte, Mbufo emokut Mi, ndien inimke ke akpanikɔ.

JOHN 7:31

Edi ediwak owo emi edude ke otu oro ebuɔt idem ye Enye: mmɔ enyuŋ edɔhɔ ete, Ke adaŋemi Christ edidide, nte Enye eyenam idiɔŋɔ eke ewakde ekan se owo emi akanamde?

JOHN 9:32

Toto ererimbot ɔkɔtɔŋɔ, akananam nnyin ikopke ite owo atat enyin owo emi amanade nnan.

JOHN 9:41

Jesus ete mmɔ, Edieke mbufo ekpedide nnan, mbufo ikpenyeneke idiɔk-ŋkpɔ: edi ke emi mbufo edɔhɔ ete, Imokut ŋkpɔ: idiɔk-ŋkpɔ mbufo osuk ododu.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

ŊWED MBON ROME 1:30

mmɔ edi mbon-nsuk-uyo, mbon ibaŋa, mbon emi Abasi asuade, mbon emiom, mbon ikponesit, mbon mbure, mme etibi idiɔk-ŋkpɔ, ye mme ɔsɔŋ-ibuot ye ete ye eka;

DEUTERONOMY 5:9

kunuhɔ unɔ mmɔ, kunyuŋ unam ŋkpɔ mmɔ; koro ami Jehovah Abasi fo ndi Abasi ufup, nda mme ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ

2 ŊWED TIMOTHY 3:4

mmɔ edi mme ada owo nnɔ mme asua, ye mbon idiɔk iwuk, ye mbon ŋkohore-idem; mmɔ ema mbre ekan Abasi;

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.