JOHN 15:2 - Edisana ñwed Abasi Ibom

² Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 15:2 ပူးပေါင်းရင်းမြစ်များ

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

ŊWED MME PSALM 92:14

Eyesuk ekɔri ke usɔŋ, eyesehe enyuŋ esiak ikɔŋ.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

DANIEL 11:35

Ndien ndusuk mmɔ emi edide ɔniɔŋ eyeduɔŋɔ, man edomo mmɔ, enyuŋ esio mmɔ ndek ke idem efep, enyuŋ enam mmɔ esana, tutu osim ke utit ini: koro osuk ebetde ini emi ekedoride.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

MALACHI 3:3

enye onyuŋ etie etem silver onyuŋ anam asana: onyuŋ anam nditɔ Levi esana, onyuŋ ɔdiɔŋ mmɔ nte gold ye silver, man mmɔ ewa uwa enɔ Jehovah nte enende.

MATTHEW 13:12

Koro eyenɔ owo ekededi eke enyenede ekɔrɔ, ndien enye eyenyene uwak-uwak; edi owo ekededi eke minyeneke, eyebɔ enye kpa se enye enyenede.

MATTHEW 13:33

Enye otop ŋke efen ɔnɔ mmɔ ete, Obio Ubɔŋ Heaven ebiet leaven, eke ŋwan emende esin ke udomo ndom-uyo ita, tutu leaven asuana ɔyɔhɔ ofuri ndom-uyo.

MATTHEW 15:13

Edi Enye ɔbɔrɔ ete, Kpukpru se etɔde, eke midige Ete Mi ke heaven ɔkɔtɔ, eyedibere. Esana mmɔ eyak: mmɔ edi nnan mme ada-usuŋ.

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

MATTHEW 25:29

Koro eyenɔ kpukpru owo eke enyenede, ndien enye eyenyene awak akan: edi ama edi owo eke minyeneke, eyebɔ enye kpa se enye enyenede.

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

MATTHEW 7:19

Ekpi kpukpru eto eke miŋwumke eti mfri eduɔk, emen, etop, esin ke ikaŋ.

MARK 4:20

Mmɔ emi mkpasip eduɔŋɔde ke eti isɔŋ, edi mmɔ emi ekopde ikɔ enyuŋ edarade enye, enyuŋ eŋwum mfri utim ikedip ye duop, ye utim ikaata, ye utim ikikie.

LUKE 8:13

Mmɔ oro ke enyɔŋ itiat edi mmɔ emi ekopde ikɔ enyuŋ ebɔde ke idaresit; edi mmɔ inyeneke oruŋ, ntre ke mmɔ enim ke akpanikɔ ke ini esisit, enyuŋ efiak edem ke ini idomo.

JOHN 15:1

AMI ndi ata vine, Ete Mi onyuŋ edi ɔdiɔŋ-iŋwaŋ-vine.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 15:3

Mbufo emesasana oto ke ikɔ eke mma ŋketiŋ nnɔ mbufo.

JOHN 15:6

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.

JOHN 15:8

Ete Mi ada ubɔŋ ke eriŋwum emi mbufo eŋwumde mfri ekese: ntem ke mbufo edidi mbet Mi.

JOHN 17:12

Ke adaŋemi ŋkodude ye mmɔ, Ami mma nda enyiŋ Fo ŋkama mmɔ emi Afo ɔkɔnɔde Mi; mma nnyuŋ ŋkpeme mmɔ, ndien baba owo mmɔ kiet ikatakke, ke mibɔhɔke eyen nsobo; man se ewetde osu.

ŊWED MBON ROME 11:17

Edi edieke ekawakde ndusuk ŋkɔk efep, enyuŋ edade fi, emi edide olive ikɔt, ebahare esin ke otu mmɔ, afo onyuŋ akabare etiene mmɔ abuana isek-isek oruŋ olive;

ŊWED MBON ROME 11:22

Ese mfɔn-ido ye nsɔŋ-ido Abasi ndien; nsɔŋ-ido ye mmɔ emi eduɔde; edi mfɔn-ido Abasi ye afo, edieke afo ɔsɔŋɔde omum mfɔn-ido Esie akama: midige ntre, eyekpi fi ŋko eduɔk.

ŊWED MBON ROME 8:28

Edi imɔfiɔk ite kpukpru ŋkpɔ esaŋa ɔtɔ kiet enam ufɔn enɔ mmɔ eke emade Abasi, kpa mmɔ emi ekotde nte ekemde ye uduak Esie.

1 ŊWED CORINTH 13:1

ŊKPESEM usem mme owo ye eke mme angel, ndien nnyeneke ima, mmakabare nyomo uyom nte akpa ŋkpaŋ, nnyuŋ nsioro uyo nte ekpri ŋkanika.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.