JOHN 15:19 - Edisana ñwed Abasi Ibom

¹⁹ Edieke mbufo ekpedide mbon ererimbot, ererimbot akpama ikɔt esie: edi sia mbufo midige mbon ererimbot, edi Ami ŋkemekde mbufo nsio ke ererimbot, ke ntak oro ererimbot asua mbufo.

JOHN 15:19 ပူးပေါင်းရင်းမြစ်များ

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

MATTHEW 24:9

Ke ini oro ke eyeda mbufo eyak enɔ ukut, enyuŋ ewot mbufo: kpukpru mme idut eyenyuŋ esua mbufo kabaŋa enyiŋ Mi.

LUKE 6:32

Ndien edieke mbufo emade mmɔ eke emade mbufo, nso itoro ke enyene do? koro kpa mme idiɔk owo ema owo eke emade mmɔ.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 6:70

Jesus ɔbɔrɔ mmɔ ete, Nte ŋkemekke mbufo owo duopeba? ndien owo kiet ke otu mbufo edi demon.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

1 PETER 4:3

Koro ini emi ama ebe ekem mbufo ndida nnam se idɔŋde mme Gentile itɔŋ, kpa ini emi mbufo esaŋade edu uwem ke use, ye idiɔk itɔŋ, ye eriyuhɔ mmin, ye otime-otime ido, ye eriŋwɔŋ mmin, ye obukpo erikpono ndem;

1 JOHN 3:12

ikubiet Cain, emi ekedide eke andidiɔk, onyuŋ owotde eyen-ete esie. Ndien ntak owotde enye? Koro utom esiemɔ ɔdiɔkde, edi eke eyen-ete esie enende.

ERIYARARE 12:17

Ndien dragon ayat esit ye ŋwan, onyuŋ adaha ndiŋwana ekɔŋ ye nditɔ esie emi esuhɔde emi enimde mme item Abasi, enyuŋ eyirede emum ikɔ-ntiense Jesus ekama.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.