JOHN 15:18 - Edisana ñwed Abasi Ibom

¹⁸ Edieke ererimbot asuade mbufo, mbufo emɔfiɔk ete, enye ama ebem iso asua Mi, ndien edisua mbufo.

JOHN 15:18 ပူးပေါင်းရင်းမြစ်များ

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

MME ŊKE 29:27

Nti owo ese oburobut owo ke mbubiam: idiɔk owo onyuŋ ese owo edinen ido ke mbubiam.

ISAIAH 49:7

Ntem ke Jehovah, andifak Israel, Edisana Abasi esie, ɔdɔhɔ ye enye emi kpukpru owo esede ke ndek, ye enye emi obio asuade, ye ofin mbɔm, ete, Ndidem eyekut enyuŋ edaha ke enyɔŋ, mbɔŋ ŋko eyekut enyuŋ etuak ibuot: ebaŋa Jehovah emi anamde ŋkpɔ ke akpanikɔ, Edisana Abasi Israel emi ekemekde fi.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

ISAIAH 66:5

Mbufo emi enyekde idem ke ikɔ esie, ekop ikɔ Jehovah: nditɔ-ete mbufo emi esuade mbufo, enyuŋ ebinde mbufo efep, ebaŋa enyiŋ mi, edɔhɔ ete, “Jehovah eyeda ukpono: nnyin iyenyuŋ ise idaresit mbufo;” ndien but eyenam mmɔ.

ZECHARIAH 11:8

Ndien nsibe mme ekpemerɔŋ mbita mfep ke ɔfiɔŋ kiet; ndien esit mi asua mmɔ, esit mmɔ onyuŋ asua mi.

MATTHEW 10:22

Ndien kpukpru owo eyesua mbufo ke abaŋa enyiŋ Mi: edi eyeŋyaŋa owo eke edimede ime tutu osim akpatre.

MATTHEW 24:9

Ke ini oro ke eyeda mbufo eyak enɔ ukut, enyuŋ ewot mbufo: kpukpru mme idut eyenyuŋ esua mbufo kabaŋa enyiŋ Mi.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

MARK 13:13

Kpukpru owo eyenyuŋ esua mbufo kabaŋa enyiŋ Mi. Edi eyenyaŋa owo eke edimede ime tutu osim akpatre.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

JOHN 16:1

NTIŊ mme ikɔ emi nnɔ mbufo, mbak owo edisin mbufo eduɔ.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

JOHN 3:20

Koro kpukpru owo eke enamde idiɔk esasua uŋwana, inyuŋ iwɔrɔke idi ke uŋwana, mbak edibiom se mmɔ enamde.

JOHN 7:7

Ererimbot ikemeke ndisua mbufo; edi asua Mi, koro Ami nditiŋde ikɔ-ntiense ndian enye nte, se enye anamde ɔdiɔk.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

1 JOHN 3:13

Ekuyak idem akpa mbufo, nditɔ-ete, edieke ererimbot asuade mbufo.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.