JOHN 15:12 - Edisana ñwed Abasi Ibom

¹² Ibet Mi edi ntem, ete, mbufo ema kiet eken, kpa nte ŋkamade mbufo.

JOHN 15:12 ပူးပေါင်းရင်းမြစ်များ

MALACHI 1:2

Jehovah ɔdɔhɔ, ete, Mmama mbufo. Ndien mbufo edɔhɔ, ete, Didie ke afo ama nnyin? Jehovah ɔdɔhɔ ete, Nte Esau ikedige eyen eka Jacob?

JOHN 13:34

Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

JOHN 15:17

Mmowuk mbufo ntem nte, mbufo ema kiet eken.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

1 ŊWED THESSALONICA 3:12

Ɔbɔŋ akpakam onyuŋ anam mbufo ekɔri enyene ima ɔyɔhɔ ɔyɔhɔ ye kiet eken, enyuŋ enyene ima ye kpukpru owo, kpa nte nnyin inyenede ye mbufo;

1 ŊWED THESSALONICA 4:9

Inaŋa nte ŋwet ŋkpɔ nnɔ mbufo mbaŋa ima nditɔ-ete: koro Abasi ke Idem Esie ke ekpep mbufo ndima kiet eken;

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

1 PETER 4:8

Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

1 JOHN 3:23

Ndien mbet Esie edi ntem, ete, nnyin ibuɔt idem ke enyiŋ Eyen Imɔ Jesus Christ, inyuŋ ima kiet eken, kpa nte Enye ɔnɔde nnyin item.

1 JOHN 4:21

Ndien item emi ke nnyin ikɔbɔ ke ubɔk Esie, ete, owo emi amade Abasi edima eyen-ete esie ŋko.

2 JOHN 1:5

Ndien ke emi mmebeŋe fi, eti ŋwan, idige nte ŋwetde obufa item nnɔ fi, edi idem item emi nnyin ikenyenede toto ke eritɔŋɔ, nte, yak nnyin ima kiet eken.