JOHN 15:10 - Edisana ñwed Abasi Ibom

¹⁰ Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 15:10 ပူးပေါင်းရင်းမြစ်များ

2 SAMUEL 22:22

Koro ŋkpemede usuŋ Jehovah, mmenyuŋ ndiɔkke ŋkpɔŋ Abasi mi.

2 NDIDEM 18:6

Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.

EXODUS 7:6

Ndien Moses ye Aaron enam kpa nte emi Jehovah eketemede mmɔ, ntem ke mmɔ enam.

ISAIAH 50:5

Ɔbɔŋ Jehovah aŋwaŋade mi utɔŋ, ndien ami nsɔŋke ibuot: mfiakke edem.

JOHN 10:18

Owo baba kiet ibɔhɔ Mi uwem, edi Ami ke Idem Mi nyak uwem Mi nduɔk. Mmenyene odudu ndiyak uwem Mi nduɔk, mmonyuŋ nnyene odudu nditɔŋɔ ntak mbɔ uwem mi nda. Ŋkɔbɔ item emi ke ubɔk Ete Mi.

JOHN 12:49

Koro Ami mmeŋketiŋke ŋkpɔ ke uyo Idem Mi; edi Ete emi ɔkɔdɔŋde Mi ke Idem Esie ɔkɔnɔ Mi item abaŋa se ŋkpɔdɔhɔde ye se ŋkpetiŋde.

JOHN 14:15

Mbufo ema ema Mi, eyenim mbet Mi.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 14:31

edi man ererimbot efiɔk ete mmama Ete, ndien nte Ete ɔkɔnɔde Mi item, kpa ntre ke nnam. Edaha ke enyɔŋ, edi iwɔŋɔ.

JOHN 17:4

Ami mma nnɔ Fi ubɔŋ ke isɔŋ, ke emi ŋkanamde utom eke Afo ɔkɔnɔde Mi nnam.

JOHN 4:34

Jesus ete mmɔ, Udia Mi edi ndinam uduak Andidɔŋ Mi, nnyuŋ mma utom Esie.

JOHN 8:29

Andidɔŋ Mi onyuŋ odu ye Ami: Enye ikɔkpɔŋke Mi ikpɔŋ; koro Ami nnamde se inemde Enye esit kpukpru ini.

JOHN 8:55

ndien mbufo ikɔfiɔkke Enye; edi Ami mmɔfiɔk Enye. Edieke ŋkpɔdɔhɔde nte, Mfiɔkke Enye, nyedi osu-osu nte mbufo: edi Ami mmɔfiɔk Enye, nnyuŋ nnim ikɔ Esie.

1 ŊWED CORINTH 7:19

Erina mbobi idige ŋkpɔ, eritre ndina mbobi inyuŋ idige ŋkpɔ; edi erinim mbet Abasi edi ŋkpɔ.

1 ŊWED THESSALONICA 4:1

KE akpatre itie, nditɔ-ete, nnyin imebeŋe mbufo, inyuŋ isɔŋɔ ikpe ye mbufo ke Ɔbɔŋ Jesus, ite, kpa nte mbufo ekekopde ke inua nnyin nte mbufo ekpesaŋade ekenem Abasi esit, kpa nte mbufo enyuŋ esaŋade, mbufo edɔdiɔŋ enam ntre.

MME HEBREW 7:26

Emi edi oruk Akwa Oku emi ekemde ye nnyin, emi asanade, minyeneke ŋkari, minyuŋ iduehe, emi misaŋake ye mme anam-idiɔk, emi ema enyuŋ emen enim okoŋ akan mme heaven;

2 PETER 2:21

Ɔkpɔfɔn ye mmɔ ndikpetre ndifiɔk usuŋ edinen ido akan ndifiɔk mma, ndien ndiwɔŋɔre ŋkpɔŋ edisana ibet eke enɔde mmɔ.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

1 JOHN 2:5

edi owo ekededi eke onimde ikɔ Esie, ke akpanikɔ ke emenam ima Abasi ɔfɔn ama ke esit esie.

1 JOHN 2:6

Nnyin ida emi ifiɔk ite idodu ke Enye: owo eke ɔdɔhɔde ete imɔ iduŋ ke Enye, akpasaŋa odu uwem kpa nte Enye akasaŋade.

1 JOHN 5:3

Koro ndima Abasi edi emi, ete, nnyin inim mbet Esie; ndien mbet Esie ibiakke owo idem.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.