JOHN 15:1 - Edisana ñwed Abasi Ibom

¹ AMI ndi ata vine, Ete Mi onyuŋ edi ɔdiɔŋ-iŋwaŋ-vine.

JOHN 15:1 ပူးပေါင်းရင်းမြစ်များ

IKWƆ SOLOMON 7:12

Yak nnyin ibak idemere ika ke mme iŋwaŋ-vine; ise mme vine esehe, mme enye otop mfri, mme pomegranate efiari: do ke ndinɔ fi ima mi.

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 60:21

Ndien ikɔt fo kpukpru eyedi edinen; mmɔ eyenyene isɔŋ ke nsinsi, ŋkpɔ emi ntɔde, utom ubɔk mi, man nda ubɔŋ.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

JEREMIAH 12:10

Ediwak mme ekpemerɔŋ emebiat iŋwaŋ-vine mi, emedigi udeme mi ke ukot, emenim edinem udeme mi ke desert nditaha.

JEREMIAH 2:21

Ndien ami ŋkɔtɔ fi ata vine, ata akpan mkpasip: nsinam ndien afo akabarede edi idiɔk eyen vine idut ɔnɔ mi?

EZEKIEL 19:10

Ke ini afo okodude ke iyip fo, uka ebiet vine eke etɔde ke mben mmɔŋ: ediwak mmɔŋ esin enye oŋwum mfri, onyuŋ awak ŋkɔk.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

ZECHARIAH 3:8

Mbufo ekop ndien, afo Joshua akwa oku, ye mme nsaŋa fo emi etiede fi ke iso: koro mmɔ edide mbon idiɔŋɔ: koro, sese, nyeda owo mi Nsekhe nduk.

MATTHEW 15:13

Edi Enye ɔbɔrɔ ete, Kpukpru se etɔde, eke midige Ete Mi ke heaven ɔkɔtɔ, eyedibere. Esana mmɔ eyak: mmɔ edi nnan mme ada-usuŋ.

MATTHEW 20:1

KORO Obio Ubɔŋ Heaven ebiet ete-ufɔk kiet, emi abakde ɔwɔrɔ ke usenubɔk ndikpe mbon-utom nsin ke iŋwaŋ-vine esie.

MATTHEW 21:33

Mbufo ekop ŋke efen. Owo kiet okodu emi edide ete-ufɔk. Enye onyuŋ ɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine ke esit, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

MARK 12:1

EKEM Enye ɔtɔŋɔ ndimen ŋke ntiŋ ikɔ ye mmɔ ete,Owo kiet ɔkɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

LUKE 13:6

Enye onyuŋ otop ŋke emi ete, Owo kiet ekenyene eto fig emi etɔde ke iŋwaŋ-vine esie; enye onyuŋ edi ediyom mfri ke esit, edi ikwe.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.

JOHN 1:9

Ata uŋwana emi anamde enyin aŋwaŋa kpukpru owo okododuk ke ererimbot.

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 6:32

Mmɔdo Jesus ɔbɔrɔ mmɔ ete, Ke akpanikɔ ke ndɔhɔ mbufo, Idige Moses ɔkɔnɔ mbufo uyo emi otode ke heaven, edi Ete Mi ɔnɔ mbufo ata uyo emi otode ke heaven.

JOHN 6:55

Koro obukidem Mi edi ata udia, iyip mi onyuŋ edi ata ediŋwɔŋ-ŋkpɔ.

ŊWED MBON ROME 11:17

Edi edieke ekawakde ndusuk ŋkɔk efep, enyuŋ edade fi, emi edide olive ikɔt, ebahare esin ke otu mmɔ, afo onyuŋ akabare etiene mmɔ abuana isek-isek oruŋ olive;

1 ŊWED CORINTH 3:9

Koro nnyin isaŋa ikpat kiet idi mme anam-utom Abasi; mbufo edi iŋwaŋ eke Abasi ɔkɔtɔde, edi ufɔk eke Abasi ɔkɔbɔpde.

1 JOHN 2:8

Edi ŋwet obufa ibet ŋko nnɔ mbufo, emi ɔwɔrɔde osu ke uwem Esie ye ke uwem mbufo ŋko; koro ekim ke ebebe efep, ata uŋwana onyuŋ ɔtɔtɔŋɔ ndiyama.