JOHN 14:6 - Edisana ñwed Abasi Ibom

⁶ Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 14:6 ပူးပေါင်းရင်းမြစ်များ

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.

JOHN 1:4

Uwem odu Enye ke idem; uwem oro onyuŋ edi uŋwana owo.

JOHN 10:28

Ami nnyuŋ nnɔ mmɔ nsinsi uwem; ndien mmɔ iditakke ke nsinsi, baba owo kiet idinyuŋ iwamakere mmɔ isio Mi ke ubɔk.

JOHN 10:7

Mmɔdo Jesus ɔtɔŋɔ ntak ɔdɔhɔ mmɔ ete, ke akpanikɔ ke ndɔhɔ mbufo, Ami ndi inua-otop erɔŋ.

JOHN 10:9

Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.

JOHN 14:19

Osuk esisit, ndien ererimbot idikwe Mi aba; edi mbufo ke ekut Mi: sia Ami ndude uwem, mbufo eyedu uwem ŋko.

JOHN 15:1

AMI ndi ata vine, Ete Mi onyuŋ edi ɔdiɔŋ-iŋwaŋ-vine.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

JOHN 6:33

Koro uyo Abasi edi Enye emi otode ke heaven ɔsuhɔre edinɔ ererimbot uwem.

JOHN 6:51

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

JOHN 6:57

Nte Ete emi odude uwem okosiode Mi ɔdɔŋ, Ami nnyuŋ ndude uwem oto Ete; ntre ke owo eke adiade Mi eyenyuŋ odu uwem oto Mi.

JOHN 6:68

Simon Peter ɔbɔrɔ Enye ete, Ɔbɔŋ, nnyin iditiene anie? Afo enyene ikɔ uwem nsinsi.

JOHN 8:32

ndien mbufo eyefiɔk akpanikɔ, akpanikɔ eyenyuŋ anam mbufo ewɔrɔ ufin.

JOHN 8:51

Ke akpanikɔ ke ndɔhɔ mbufo, Edieke owo onimde ikɔ Mi, enye idikpaha mkpa ke nsinsi.

UTOM MME APOSTLE 3:15

edi Abasi amanam Enye eset ke mkpa; emi nnyin idide mme ntiense.

UTOM MME APOSTLE 4:12

Erinyaŋa inyuŋ itoho ke baba owo kiet efen: koro enyiŋ baba kiet efen inyuŋ iduhe eke enɔde ke otu owo ke idak ikpa-enyɔŋ, eke enyenede ndida nnyana nnyin.

UTOM MME APOSTLE 9:2

enye onyuŋ adaha etiene akwa oku okobup enye, ete ɔnɔ imɔ ŋwed ida isɔk mme synagogue emi edude ke Damascus, man imɔ ima ikut owo ekededi eke esaŋade ke Usuŋ oro, ye mmɔ edide irenowo ye edide iban, ikpada mmɔ ke ebuka idi ke Jerusalem.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

ŊWED MBON ROME 5:2

Ndien oto ke Enye ke nnyin ikasaŋa ke mbuɔtiden iduk ke itie mfɔn eke nnyin idade ke esit, imonyuŋ ibure mbure ke idori-enyin ubɔŋ Abasi.

ŊWED MBON ROME 5:21

man nte idiɔk-ŋkpɔ akadade ubɔŋ ke mkpa, kpa ntre ŋko mfɔn akpada ubɔŋ oto ke edinen ido, ɔwɔrɔ nsinsi uwem oto ke Jesus Christ Ɔbɔŋ nnyin.

1 ŊWED CORINTH 15:45

Ntre ke ewet ete, Adam, akpa owo, akabare edi ukpɔŋ emi odude uwem; akpatre adam edi spirit emi ɔnɔde uwem.

ŊWED MBON EPHESUS 2:18

koro oto Enye ke nnyin ke edem mbiba inyene usuŋ eke isaŋade ke Spirit kiet itiene Ete.

ŊWED MBON COLOSSAE 2:17

Mme ŋkpɔ oro edi ukpɔŋ ŋkpɔ eke edidide; edi idem ŋkpɔ esaŋa ye Christ.

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

ŊWED MBON COLOSSAE 3:4

Ke adaŋemi Christ, emi edide uwem nnyin, edibiɔŋɔrede, adaŋoro ke mbufo ŋko eyebiɔŋɔre ye Enye ke ubɔŋ.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

MME HEBREW 9:8

Edisana Spirit ada emi owut ete, iyarakere kaŋa usuŋ eke adade owo oduk ke Edisana Ebiet, adaŋa ini nte akpa ataya osuk odude.

1 PETER 1:21

Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 1:8

Edieke nnyin idɔhɔde ite, nnyin inyeneke idiɔk-ŋkpɔ, nnyin ibabiaŋa idem, akpanikɔ inyuŋ iduhe nnyin ke esit.

1 JOHN 2:23

Kpukpru owo eke afaŋade Eyen inyeneke Ete: owo emi onyimede Eyen enyene Ete nde.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 JOHN 5:6

Emi edi Enye emi akasaŋade ye mmɔŋ ye iyip edi, kpa Jesus Christ; isaŋake ye mmɔŋ ikpɔŋ idi, edi asaŋa ye mmɔŋ ye iyip.

2 JOHN 1:9

Kpukpru owo eke adade ibuot usuŋ, minyuŋ isukke idem itie ke ukpep-ŋkpɔ Christ, inyeneke Abasi; owo oro osukde idem etie ke ukpep-ŋkpɔ oro enyene Ete, onyuŋ enyene Eyen.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 19:11

Ekem ŋkut nte ebererede heaven; ndien sese, afia enaŋ-mbakara, Andidoro enye ke edem ekere Anam-akpanikɔ ye Ata Akpanikɔ, Enye onyuŋ asaŋa ke edinen ido ekpe ikpe onyuŋ aŋwana ekɔŋ.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.