JOHN 14:26 - Edisana ñwed Abasi Ibom

²⁶ Edi Iberedem, kpa Edisana Spirit, emi Ete edinɔde edi ke enyiŋ Mi, Enye eyekpep mbufo kpukpru ŋkpɔ, onyuŋ anam mbufo eti kpukpru se Ami ŋketiŋde nnɔ mbufo.

JOHN 14:26 ပူးပေါင်းရင်းမြစ်များ

ŊWED MME PSALM 51:11

Kumen mi ke iso fo uduɔk; kunyuŋ ubɔ mi edisana spirit fo.

ISAIAH 54:13

Jehovah eyenyuŋ eteme kpukpru nditɔ fo; ndien emem nditɔ fo okpon.

ISAIAH 63:10

Edi mmɔ esɔŋ ibuot enyuŋ eyat Edisana Spirit esie: ndein enye akabare edi usua mmɔ, onyuŋ aŋwana ekɔŋ ye mmɔ.

MATTHEW 1:18

Emana Jesus Christ ekedi ntem: ekeda Mary eka Esie enɔ Joseph ke ndɔ; edi ke ini mmɔ miduhe kaŋa ufɔk kiet, eyarare efiɔk ete enye omoyomo idibi oto ke Edisana Spirit.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

MARK 12:36

David ke idem esie etiŋ ke Edisana Spirit, ete, Jehovah ɔdɔhɔ Ɔbɔŋ mi ete, Tie Mi ke ubɔk nnasia, Tutu nda mme usua Fo nnim Fi ke udorukot.

MARK 13:11

Ndien ke ini edidade mbufo eyak enɔ ikpe, ekubem iso etimere esit ekere ebaŋa se mbufo editiŋde, edi ikɔ ekededi eke edinɔde mbufo idaha oro mbufo etiŋ. Koro idige mbufo etiŋ, edi Edisana Spirit.

LUKE 1:15

Koro enye eyekpon ke iso Jehovah; idiŋwɔŋke wine ye ɔkpɔsɔŋ mmin; eyenyuŋ ɔyɔhɔ ye Edisana Spirit toto ke emana esie;

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

LUKE 1:41

Edikem, ke ini Elisabeth okopde ekɔm Mary, eyen ɔfrɔ ke idibi esie; ndien Elizabeth ɔyɔhɔ ye Edisana Spirit,

LUKE 1:67

Ekem Zechariah ete esie ɔyɔhɔ ye Edisana Spirit, enye onyuŋ etiŋ nte prophet, ete,

LUKE 11:13

Mmɔdo edieke mbufo emi ediɔkde efiɔkde ndinɔ nditɔ mbufo nti enɔ, adaŋa didie akan oro ke Ete mbufo ke heaven ediyak Edisana Spirit ɔnɔ mmɔ eke ebeŋede Enye?

LUKE 2:25

Ndien sese, owo kiet odu ke Jerusalem emi ekerede Simeon; owo emi edi edinen owo emi eteŋede Abasi, onyuŋ etiede ebet ndɔŋesit Israel: ndien Edisana Spirit odoro enye ke idem.

LUKE 24:49

Sese, nyenyuŋ ndɔŋ uŋwɔŋɔ emi Ete Mi ɔkɔŋwɔŋɔde etiene mufo: edi etie ke obio ebet tutu esine mbufo odudu emi otode ke enyɔŋ.

LUKE 3:22

enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.

JOHN 1:33

Ndien ŋkɔdiɔŋɔke Enye; edi Enye emi ɔkɔdɔŋde mi ete nda mmɔŋ nnim baptism ɔdɔhɔ mi ete, Owo eke edikutde nte Spirit ɔsuhɔrede odoro Enye ke idem edi Enye emi onimde owo baptism ke Edisana Spirit.

JOHN 12:16

Mbet Esie ifiɔkke se ŋkpɔ emi ɔwɔrɔde ke idaha oro: edi ke ini ema ekɔnɔ Jesus ubɔŋ, adaŋoro mmɔ eti ete ema ewet ŋkpɔ emi ebaŋa Enye, enyuŋ enam ŋkpɔ emi enɔ Enye.

JOHN 14:16

Nyenyuŋ mbeŋe Ete, ndien Enye eyenɔ mbufo Iberedem efen, man Enye edidu ye mbufo ke nsinsi;

JOHN 14:25

Ntiŋ ŋkpɔ emi nnɔ mbufo, ke adaŋemi nsuk ndude kaŋa ye mbufo.

JOHN 15:26

Edi ke adaŋemi Iberedem, emi ndisiode ke ubɔk Ete ndɔŋ etiene mbufo, edidide, kpa Spirit akpanikɔ, emi otode ke Ete ɔwɔrɔ edi, Enye eyedi ntiense ɔnɔ Mi.

JOHN 16:7

Edi ntiŋ akpanikɔ nnɔ mbufo; erinyɔŋ Mi eyefɔn ye mbufo: koro edieke mmenyɔŋke, Iberedem iditieneke mbufo; edi mma nnyɔŋ, nyedɔŋ Enye etiene mbufo.

JOHN 2:22

Mmɔdo ke ini Enye esetde ke mkpa, mbet Esie eti ete Enye ama eketiŋ ntre; mmɔ enyuŋ enim ŋwed Abasi ye ikɔ emi Jesus etiŋde ke akpanikɔ.

JOHN 20:22

Ndien ke Enye ama eketiŋ ntem, ɔduɔk mmɔ ibifik ke idem, onyuŋ ɔdɔhɔ mmɔ ete,

JOHN 6:45

Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

JOHN 7:39

Enye ɔdɔhɔ emi abaŋa Spirit emi mmɔ emi ebuɔtde idem ye Enye edibɔde; koro ikɔnɔŋɔ Spirit kaŋa sia Jesus midukke kaŋa ke ubɔŋ.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 1:4

Ndien ke ini Enye osobode ɔtɔ kiet ye mmɔ, Enye ɔnɔ mmɔ uyo ete ekukpɔŋ Jerusalem, edi etie ebet se Ete ɔkɔŋwɔŋɔde ndinɔ; emi mbufo ekokopde ke inua Mi:

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 11:16

Ndien nti ikɔ Ɔbɔŋ nte Enye ɔdɔhɔde ete, John akada mmɔŋ onim owo baptism; edi eyenim mbufo baptism ke Edisana Spirit.

UTOM MME APOSTLE 13:2

Edi nte mmɔ enamde ŋkpɔ enɔ Ɔbɔŋ, enyuŋ etrede udia, Edisana Spirit ɔdɔhɔ mmɔ ete, Edianare Barnabas ye Saul enɔ Mi, man mmɔ enam utom oro ŋkokotde mmɔ nnɔ.

UTOM MME APOSTLE 13:4

Ntre ke ini Edisana Spirit osiode mmɔ ɔdɔŋ, mmɔ esuhɔre eka Seleucia, enyuŋ eto do ewat eka ke Cyprus.

UTOM MME APOSTLE 15:28

Koro Edisana Spirit okut ete ɔfɔn, nnyin inyuŋ ikut ite ɔfɔn, nditre ndibiom mbufo mbiomo eŋwen ke idem, ke mibɔhɔke ŋkpɔ ifaŋ emi enyenede ndinam;

UTOM MME APOSTLE 15:8

Ndien Abasi emi ɔfiɔkde esit owo ekedi ntiense ɔnɔ mmɔ, ke erinɔ mmɔ Edisana Spirit kpa nte ɔkɔnɔde nnyin;

UTOM MME APOSTLE 16:6

Ekem mmɔ esaŋa ke Phrygia ye Galatia ebe; edi Edisana Spirit ɔbiɔŋɔ mmɔ nditiŋ ikɔ ke Asia;

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

UTOM MME APOSTLE 2:4

Ndien Edisana Spirit ɔyɔhɔ kpukpru mmɔ ke idem, mmɔ enyuŋ etɔŋɔ ndisem nsio-nsio usem, nte spirit ɔnɔde mmɔ ukeme nditiŋ.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 20:35

Ke kpukpru ŋkpɔ ŋkɔnɔ mbufo uwut-ŋkpɔ, man mbufo enam utom ntem eŋwam mbio mmem-idem, enyuŋ eti ikɔ Ɔbɔŋ Jesus, emi Enye ɔdɔhɔde ete, Ɔfɔn ndinɔ akan ndibɔ.

UTOM MME APOSTLE 28:25

Ndien sia ekikere mmɔ misaŋake ukem, mmɔ esuana, ke ini Paul ama eketiŋ ikɔ kiet emi, ete, Edisana Spirit okototim ɔdɔhɔ mme ete mbufo ke

UTOM MME APOSTLE 5:3

Edi Peter ete, Ananias, nsinam Satan ɔyɔhɔde fi esit, esin osu nsu ɔnɔ Edisana Spirit, omum ubak okuk iŋwaŋ akama?

UTOM MME APOSTLE 7:51

Mbufo mbon nsɔŋ-ibuot, emi minaŋa mbobi ke esit ye utɔŋ, mbufo etak ndiŋwaŋwana ye Edisana Spirit kpukpru ini: nte mme ete mbufo ekenamde kpa ntre ke mbufo enam.

UTOM MME APOSTLE 7:55

Edi Stephen ye uyɔhɔ Edisana Spirit owuk enyin ese enyɔŋ, okut ubɔŋ Abasi,

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

ŊWED MBON ROME 15:13

Abasi idori-enyin akpakam ɔyɔhɔ mbufo ye kpukpru idaresit ye emem ke mbuɔtidem mbufo, man mbufo enyene uwak idori-enyin oto ke odudu Edisana Spirit.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

ŊWED MBON ROME 5:5

Ndien idori-enye emi iyakke nnyin ikut but, koro Abasi amaŋwaŋa ima Esie esin ke esit nnyin oto ke Edisana Spirit emi Enye ɔkɔnɔde nnyin.

1 ŊWED CORINTH 12:3

Kpasuk ntre ke nnam mbufo efiɔk ete, baba owo kiet eke etiŋde ikɔ ke odudu Spirit Abasi idɔhɔke ete, Osuk ɔdɔdiɔk ɔnɔ Jesus; owo inyuŋ ikemeke ndidɔhɔ ete, Jesus edi Ɔbɔŋ, ke midige ke Edisana Spirit.

1 ŊWED CORINTH 6:19

Mme nte mbufo ifiɔkke ite, ikpɔhidem mbufo edi temple Edisana Spirit, emi oduŋde mbufo ke esit, kpa Spirit emi mbufo ekebɔde ke ubɔk Abasi?

2 ŊWED CORINTH 13:14

Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.

2 ŊWED CORINTH 6:6

ke edisana ido, ke ifiɔk, ke anyan ime, ke mfɔn-ido, ke spirit eke asanade, ke ata ima, ke ikɔ akpanikɔ, ke odudu Abasi;

ŊWED MBON EPHESUS 1:13

Mbufo nde (mme Gentile) emokop ikɔ akpanikɔ ke Enye, kpa gospel erinyaŋa mbufo. Ke Enye ŋko, ke ini mbufo ema ekonim ke akpanikɔ, emada Edisana Spirit emi ekeŋwɔŋɔde efik mbufo idiɔŋɔ;

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

ŊWED MBON EPHESUS 4:30

Ekunyuŋ eyat Edisana Spirit Abasi esit, emi edi ke Enye ke ema efik mbufo idiɔŋɔ ebeŋe usen erifak.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

2 ŊWED TIMOTHY 1:14

Kpeme eti enɔ eke ekayakde enɔ fi oto ke Edisana Spirit emi oduŋde nnyin ke esit.

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

MME HEBREW 10:15

Edisana Spirit onyuŋ edi ntiense ɔnɔ nnyin: koro ke Enye ama ɔkɔdɔhɔ ete,

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.

MME HEBREW 3:7

Ntre, kpa nte Edisana Spirit ɔdɔhɔde, Mfin, edieke mbufo edikopde uyo Esie,

MME HEBREW 9:8

Edisana Spirit ada emi owut ete, iyarakere kaŋa usuŋ eke adade owo oduk ke Edisana Ebiet, adaŋa ini nte akpa ataya osuk odude.

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.

1 JOHN 2:20

Edi Enye emi edide Edisana ama aŋwaŋa Spirit mbufo ke idem, kpukpru mbufo emenyuŋ efiɔk akpanikɔ.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

1 JOHN 5:7

Ndien Spirit etie ntiense, koro Spirit edide akpanikɔ.

JUDE 1:20

Edi ndima, mbufo ebɔp idem ke enyɔŋ edisana mbuɔtidem mbufo ekɔri, ebɔŋ akam ke Edisana Spirit; ntem ke edimum idem mbufo enim ke ima Abasi,

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.