JOHN 14:24 - Edisana ñwed Abasi Ibom

²⁴ Owo eke mimaŋa Mi inimke se ntiŋde; ndien ikɔ eke mbufo ekopde idige okim, edi enyene Ete emi ɔkɔdɔŋde Mi.

JOHN 14:24 ပူးပေါင်းရင်းမြစ်များ

MATTHEW 19:21

Jesus ɔdɔhɔ enye ete, Edieke oyomde ndifɔn mma, ka kanyam se enyenede, da nɔ mme ubuene, ndien eyenyene inyene ke heaven: nyuŋ di disaŋa ye Ami.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 14:15

Mbufo ema ema Mi, eyenim mbet Mi.

JOHN 14:25

Ntiŋ ŋkpɔ emi nnɔ mbufo, ke adaŋemi nsuk ndude kaŋa ye mbufo.

JOHN 3:11

Ke akpanikɔ ke ndɔhɔ fi, nnyin itiŋ se ifiɔkde inyuŋ itie ntiense ibaŋa se ikokutde; edi mbufo ibɔhɔ ikɔ ntiense nnyin.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

JOHN 5:19

Ntre ke Jesus ɔbɔrɔ mmɔ ete, Ke akpanikɔ ke ndɔhɔ mbufo, Eyen ikemeke ndinam baba ŋkpɔ kiet ke Idem Esie, ke mibɔhɔke se okutde nte Ete anamde; koro ŋkpɔ ekededi eke Ete anamde, kpa oro ŋko ke Eyen onyuŋ etiene anam.

JOHN 5:38

inyuŋ inyeneke ikɔ Esie nte osuk oduŋde ke esit mbufo, koro mbufo inimke Enye emi Ete ɔkɔdɔŋde ke akpanikɔ.

JOHN 7:16

Jesus ɔbɔrɔ mmɔ ete, ukpep-ŋkpɔ eke nnɔde idige Okim, edi edi eke Andidɔŋ Mi.

JOHN 7:28

Ntre ke Jesus ofiori ke temple nte ekpepde owo ŋkpɔ, onyuŋ ɔdɔhɔ ete, Mbufo efiɔk Mi, enyuŋ efiɔk ebiet emi ntode; ndien ŋkedige ke odudu Idem Mi, edi Enye emi ɔkɔdɔŋde Mi edi ata Abasi, emi mbufo mifiɔkke.

JOHN 8:26

Mmenyene ediwak ŋkpɔ nditiŋ nnyuŋ mbiere mbaŋa mbufo: edi Andidɔŋ Mi edi akpanikɔ; ndien se Ami ŋkokopde Enye ke inua, ŋkpɔ oro ke ntetiŋ nnɔ ererimbot.

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

JOHN 8:38

Ami mmen se ŋketiede ye Ete Mi ŋkut ntiŋ; mbufo ŋko enam se ekekopde ke inua ete mbufo.

JOHN 8:42

Jesus ete mmɔ, Edieke Abasi ekpedide Ete mbufo, mbufo ekpema Mi: koro Ami ŋkoto ke Abasi ŋwɔrɔ ndi; ŋkonyuŋ ndige ke odudu Idem Mi, edi Enye ɔkɔdɔŋ Mi.