JOHN 14:20 - Edisana ñwed Abasi Ibom

²⁰ Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 14:20 ပူးပေါင်းရင်းမြစ်များ

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 14:11

Enim Mi ke akpanikɔ ete, Ami ndu ke Ete, Ete onyuŋ odu Mi ke idem; midige, enim se ntiŋde ke akpanikɔ ke ntak utom Mi.

JOHN 16:23

Ekem ke usen oro mbufo idibupke Mi baba ŋkpɔ kiet. Ke akpanikɔ ke ndɔhɔ mbufo, ŋkpɔ ekededi eke edibeŋede Ete, Enye eyenɔ mbufo ke enyiŋ Mi.

JOHN 16:26

Adaŋoro mbufo eyebeŋe ŋkpɔ ke enyiŋ Mi: ndien ndɔhɔke nte nyekpe Ete ubɔk nnɔ mbufo:

JOHN 17:11

Ndiduhe aba ke ererimbot, ndien mmɔ edu ke ererimbot, ndien Ami ke nnyɔŋ ntiene Fi. Edisana Ete, da enyiŋ Fo kama mmɔ emi ɔkɔnɔde Mi, man mmɔ edi kiet, kpa nte nnyin idide kiet.

JOHN 17:26

Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.

JOHN 17:7

mmɔ ema enyuŋ enim mme ikɔ Fo. Idahaemi mmɔ efiɔk ete kpukpru ŋkpɔ ekededi eke Afo ɔkɔnɔde Mi eto Fi:

JOHN 6:56

Owo eke adiade obukidem Mi, onyuŋ ɔŋwɔŋde iyip Mi, osuk oduŋ Mi ke idem, Ami nnyuŋ nduŋ enye ke idem.

ŊWED MBON ROME 16:7

Ekɔm Andronicus ye Junias, emi edide oruk mi ye nsaŋa-ŋkpɔkɔbi mi: mmɔ edi mme ɔwɔrɔ-etop ke otu mme apostle, mmɔ ekenyuŋ ebem mi iso edu ke Christ.

ŊWED MBON ROME 8:1

MMƆDO ubiom-ikpe iduhe aba inɔ mmɔ emi edude ke Christ Jesus.

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

2 ŊWED CORINTH 12:2

Mmɔdiɔŋɔ owo kiet ke Christ emi ekpobide enye eda edɔk ke ɔyɔhɔ heaven ita nte isua duopenaŋ ekebe. Mme enye okodu ke ikpɔhidem, mme ema esio enye ke ikpɔhidem mfiɔkke; Abasi ɔmɔfiɔk.

2 ŊWED CORINTH 13:5

Edomo idem mbufo ese mme mbufo edu ke mbuɔtidem: etim edomo idem mbufo efiɔk. Nte mbufo ifiɔkke ibaŋa idem, ite, Christ oduŋ mme imɔ ke esit? Edieke midige ntre, mbufo edi mbukpo owo.

2 ŊWED CORINTH 5:17

Ntem edieke owo odude ke Christ, ema ebot enye obufa; ŋkani ŋkpɔ ema ebe efep: sese, emekabare edi mbufa.

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

ŊWED MBON COLOSSAE 1:19

Koro ofuri uyɔhɔ Abasi onyime ndiduŋ enye ke idem,

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

1 JOHN 4:12

Akananam baba owo kiet ikwe Abasi; edieke nnyin imade kiet eken, Abasi ododuŋ ke esit nnyin, ema enyuŋ enam ima Esie ɔfɔn ama ke uwem nnyin.