JOHN 14:2 - Edisana ñwed Abasi Ibom

² Ediwak ufɔk edu ke ebiet Ete Mi; edieke mikpedige ntre, ŋkpɔdɔhɔ mbufo; koro mmɔŋ ŋka ŋkotim itie nnim nnɔ mbufo.

JOHN 14:2 ပူးပေါင်းရင်းမြစ်များ

LUKE 14:22

Ndien isuŋutom oro edidɔhɔ ete, Ɔbɔŋ, ema enam nte ɔkɔdɔhɔde, edi itie ke ɔsɔsuhɔ kaŋa.

JOHN 13:33

Ŋkpri nditɔ, nnyene ndidu ye mbufo kaŋa ke ekpri ini. Mbufo eyeyom Mi: ndien, kpa nte ŋkɔhɔde mme Jew nte, Mbufo ikemeke ndisim ɔtɔ nte ŋkade, ndɔhɔ mbufo suk ntre ke emi.

JOHN 13:36

Simon Peter obup Enye ete, Ɔbɔŋ, Afo akaka mmɔŋ? Jesus ɔbɔrɔ ete, Ukemeke nditiene Mi ŋka ɔtɔ nte ŋkade ke emi; edi eyetiene Mi usuk-usuk.

JOHN 14:28

Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.

JOHN 16:4

Edi ntiŋ mme ŋkpɔ emi nnɔ mbufo, man, ke adaŋemi edikemde ini mmɔ, mbufo ekpeti ete mma ŋkasian mbufo. Ŋkasianke mbufo mme ŋkpɔ emi ke eritɔŋɔ, sia nsuk ndodu ye mbufo.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

UTOM MME APOSTLE 9:16

koro ami nyewut enye adaŋa ediwak ŋkpɔ nte enye enyenede ndikut kabaŋa enyiŋ Mi.

2 ŊWED CORINTH 5:1

KORO nnyin imɔfiɔk ite, edieke ataya eke idaŋde ke esit ke isɔŋ emi owurede, imenyene ufɔk eke Abasi ɔnɔde, eke midaha ubɔk owo ibɔp, eke ebigide ke nsinsi ke heaven.

1 ŊWED THESSALONICA 5:9

Koro Abasi mikonimke nnyin inɔ iyaresit, edi okonim nnyin ete ibɔ erinyaŋa ke Ɔbɔŋ nnyin Jesus Christ;

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

MME HEBREW 11:10

koro enye odoride enyin ke Obio eke enyenede nsɔŋɔnda, eke Andibɔp ye Andinam Enye edi Abasi.

MME HEBREW 13:14

Koro nnyin inyeneke obio eke edibigide ke edem emi, edi nnyin iyom obio eke edidide.

MME HEBREW 6:20

ke ebiet emi Jesus ama ebe oduk ke esit nte Ebe-iso ɔnɔ nnyin, ke Enye ama akabare edi Akwa Oku ke nsinsi, nte utɔ Melchizedek asaŋade.

MME HEBREW 9:8

Edisana Spirit ada emi owut ete, iyarakere kaŋa usuŋ eke adade owo oduk ke Edisana Ebiet, adaŋa ini nte akpa ataya osuk odude.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 21:2

Ndien ŋkut edisana obio, Obufa Jerusalem, nte otode ke Abasi ɔsuhɔre ke heaven edi, ema enyuŋ etim enye idem nte ŋwan-ndɔ emi ebanade ebeŋe ebe.

ERIYARARE 3:12

Owo eke akande, nyenam enye edi adaha ke temple Abasi Mi, ndien enye idiwɔrɔke do aba; nyenyuŋ ŋwet enye enyiŋ Abasi Mi ke idem, ye enyiŋ Obio Abasi Mi, kpa obufa Jerusalem, emi otode Abasi Mi ɔsuhɔre ke heaven edi, ye obufa enyiŋ Idem Mi.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.