JOHN 14:17 - Edisana ñwed Abasi Ibom

¹⁷ kpa Spirit akpanikɔ, emi ererimbot mikemeke ndida, koro mmɔ mikwe enye minyuŋ idiɔŋɔke Enye: edi mbufo emediɔŋɔ Enye, koro Enye ododuŋ ye mbufo, eyeyuŋ odu mbufo ke esit.

JOHN 14:17 ပူးပေါင်းရင်းမြစ်များ

MME ŊKE 14:10

Esit owo ɔfiɔk mfuhɔ esiemɔ: ndien esen owo inɔhɔke ke idara esie.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

MATTHEW 10:20

Koro idige mbufo etiŋ ikɔ, edi Spirit Ete mbufo esine mbufo ke esit etiŋ.

JOHN 14:16

Nyenyuŋ mbeŋe Ete, ndien Enye eyenɔ mbufo Iberedem efen, man Enye edidu ye mbufo ke nsinsi;

JOHN 14:23

Jesus ɔbɔrɔ enye ete, Edieke owo amade Mi, eyenim uyo Mi: ndien Ete Mi eyema enye, nnyin iyenyuŋ idi ididuŋ ye enye.

JOHN 15:26

Edi ke adaŋemi Iberedem, emi ndisiode ke ubɔk Ete ndɔŋ etiene mbufo, edidide, kpa Spirit akpanikɔ, emi otode ke Ete ɔwɔrɔ edi, Enye eyedi ntiense ɔnɔ Mi.

JOHN 16:13

Edi ke adaŋemi Enye oro edidide, kpa Spirit akpanikɔ, Enye eyeda mbufo oduk ke ofuri akpanikɔ: koro Enye iditiŋke ikɔ Esiemɔ; edi editiŋ kpukpru se Enye okokopde: Enye eyenyuŋ emen se iditibede ayarare ɔnɔ mbufo.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

1 ŊWED CORINTH 14:15

Ɔwɔrɔ didie ndien? Nyebɔŋ akam ke spirit, nyenyuŋ mbɔŋ akam ke ekikere esit mi; nyekwɔ itoro ke spirit, nyenyuŋ ŋkwɔ itoro ke ekikere esit mi.

1 ŊWED CORINTH 2:14

Edi owo eke minyeneke spirit ibɔhɔ mme ŋkpɔ Spirit Abasi; koro mmɔ edide ndisime ŋkpɔ ke enyin esie; enye inyuŋ ikemeke ndifiɔk mmɔ, koro edi spirit ekpep owo edomo mmɔ efiɔk.

1 ŊWED CORINTH 3:16

Nte mbufo ifiɔkke ite mme imɔ idi temple Abasi, Spirit Abasi onyuŋ oduŋ mme imɔ ke esit?

1 ŊWED CORINTH 6:19

Mme nte mbufo ifiɔkke ite, ikpɔhidem mbufo edi temple Edisana Spirit, emi oduŋde mbufo ke esit, kpa Spirit emi mbufo ekebɔde ke ubɔk Abasi?

2 ŊWED CORINTH 13:5

Edomo idem mbufo ese mme mbufo edu ke mbuɔtidem: etim edomo idem mbufo efiɔk. Nte mbufo ifiɔkke ibaŋa idem, ite, Christ oduŋ mme imɔ ke esit? Edieke midige ntre, mbufo edi mbukpo owo.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

ŊWED MBON GALATIA 4:6

Ndien sia mbufo edide nditɔ, Abasi ama ɔdɔŋ Spirit Eyen Esie edidu nnyin ke esit ete, ikot Enye ite, Abba Ete.

ŊWED MBON EPHESUS 2:22

Ke Enye ke ekobɔp mbufo nde esin do, ete edi itie-iduŋ Abasi ke Spirit.

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

2 ŊWED TIMOTHY 1:14

Kpeme eti enɔ eke ekayakde enɔ fi oto ke Edisana Spirit emi oduŋde nnyin ke esit.

1 JOHN 2:27

Ama edi mbufo, Spirit emi Christ ama aŋwaŋa mbufo ke idem mmɔdo ke esit mbufo oduŋ, inyuŋ inaŋa nte owo ekpep mbufo ŋkpɔ; edi nte Spirit emi Enye aŋwaŋade mbufo ke idem ekpepde mbufo abaŋa kpukpru ŋkpɔ, onyuŋ edide akpanikɔ, midige nsu, ndien nte Enye ekekpepde mbufo, mbufo esuk eduŋ ke Enye.

1 JOHN 3:24

Owo emi onimde mbet Esie oduŋ ke Enye, Enye onyuŋ oduŋ ke esit owo oro. Nnyin inyuŋ ida emi ifiɔk ite, Enye oduŋ nnyin ke idem, oto ke Spirit emi Enye ɔkɔnɔde nnyin.

1 JOHN 4:4

Mbufo enyene Abasi, ŋkpri nditɔ mi, emenyuŋ ekan mmɔ; koro Enye emi odude mbufo ke idem okpon akan enye emi odude ke ererimbot.

1 JOHN 4:6

Nnyin idi nditɔ Abasi; owo eke ɔfiɔkde Abasi ɔbiɔŋ utɔŋ okop ikɔ nnyin; edi owo eke midige owo Abasi ikopke ikɔ nnyin. Nnyin ida emi ifiɔk spirit akpanikɔ ye spirit ndudue.

1 JOHN 5:7

Ndien Spirit etie ntiense, koro Spirit edide akpanikɔ.

ERIYARARE 2:17

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, nyesio ndibe manna nnɔ enye adia, nyenyuŋ nnɔ enye afia itiat, emi ewetde obufa enyiŋ ke esit, eke baba owo kiet mifiɔkke, ke mibɔhɔke andibɔ.