JOHN 14:12 - Edisana ñwed Abasi Ibom

¹² Ke akpanikɔ ke ndɔhɔ mbufo, Owo eke ɔbuɔtde idem ye ami eyenyuŋ anam utom eke Ami nnamde; enye eyenyuŋ anam utom eke okponde akan oro: sia Ami nnyɔŋde ntiene Ete.

JOHN 14:12 ပူးပေါင်းရင်းမြစ်များ

MATTHEW 21:21

Edi Jesus ɔbɔrɔ mmɔ ete, Ke akpanikɔ ke ndɔhɔ mbufo, edieke mbufo enyenede mbuɔtidem, minyuŋ iyikke, idige se enamde ye eto fig emi ikpɔŋ ke mbufo edinam, edi edieke mbufo edɔhɔde kpa obot emi ete, Wuhɔre, kɔduɔ sine ke akwa inyaŋ, eyewɔrɔ osu.

MARK 11:13

Ndien ke ini Enye okutde eto fig nsan-nsan ye ikɔŋ, Enye asaŋa ekpere, ete, mme iyekut ŋkpɔ ke esit: ndien ke ini osimde eto oro, ikwe ŋkpɔ ke mibɔhɔke ikɔŋ-ikɔŋ, koro mikemke ini fig.

MARK 16:17

Ndien mme idiɔŋɔ emi eyetiene mmɔ emi enimde ke akpanikɔ: ke enyiŋ Mi ke mmɔ eyebin mme demon; eyesem mbufa usem;

JOHN 14:28

Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.

JOHN 16:7

Edi ntiŋ akpanikɔ nnɔ mbufo; erinyɔŋ Mi eyefɔn ye mbufo: koro edieke mmenyɔŋke, Iberedem iditieneke mbufo; edi mma nnyɔŋ, nyedɔŋ Enye etiene mbufo.

JOHN 4:37

Ŋke oro etopde ete, Owo kiet asuan mkpasip, owo efen ekpeŋe, ɔwɔrɔ osu ke ŋkpɔ emi.

JOHN 5:20

Koro Ete amama Eyen, omonyuŋ owut Enye kpukpru ŋkpɔ eke Enye ke Idem Esie anamde: Enye eyenyuŋ owut Eyen mme utom eke ekponde ekan emi, man enyene mbufo ndyɔ.

JOHN 7:33

Mmɔdo Jesus ete, Ke ekpri ibio ini kaŋa ndu ye mbufo, ndien ndinyɔŋ ntiene Enye emi ɔkɔdɔŋde Mi.

JOHN 7:39

Enye ɔdɔhɔ emi abaŋa Spirit emi mmɔ emi ebuɔtde idem ye Enye edibɔde; koro ikɔnɔŋɔ Spirit kaŋa sia Jesus midukke kaŋa ke ubɔŋ.

UTOM MME APOSTLE 10:46

Koro mmɔ ekopde nte mmɔ oro esemde nsio-nsio usem, enyuŋ etorode Abasi.

UTOM MME APOSTLE 16:18

Enye onyuŋ anam emi ediwak usen. Edi esit otimere Paul eti-eti, enye onyuŋ ɔwɔŋɔre ɔdɔhɔ spirit oro ete, Mmowuk fi ke enyiŋ Jesus Christ nte ɔwɔrɔ enye ke idem. Ndien spirit ɔwɔrɔ kpa ke ini oro.

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

UTOM MME APOSTLE 2:41

Ntre ke mmɔ emi enyimede ikɔ esie ena baptism: ndien usen oro adaŋa nte thousand owo ita ediana ye mmɔ.

UTOM MME APOSTLE 4:16

Nso ke nnyin idinam ye mmɔ emi? koro kpukpru mme andiduŋ Jerusalem ekut ete mmɔ ema enam utibe-ŋkpɔ emi ɔwɔrɔde etop; nnyin inyuŋ ikemeke ndineni.

UTOM MME APOSTLE 4:33

Mme apostle enyuŋ enɔ ikɔ-ntiense ye akwa odudu ebaŋa eriset Ɔbɔŋ Jesus: akwa mfɔn onyuŋ odoro mmɔ kpukpru.

UTOM MME APOSTLE 4:4

Edi ediwak mmɔ emi ekopde ikɔ mme apostle enim ke akpanikɔ; ibat ikɔt Abasi onyuŋ ɔkɔri ekpere ndisim thousand owo ition.

UTOM MME APOSTLE 5:15

tutu mmɔ emen mbon udɔŋɔ ewɔŋɔ edinim ke mbri ye ke mkpana ke efak, man ekpedi mfut Peter ɔduɔ ndusuk mmɔ ke idem, ke adaŋemi enye asaŋade ebe.

UTOM MME APOSTLE 6:7

Ndien ikɔ Abasi ɔdɔdiɔŋ asuana; ibat mbet onyuŋ ɔtɔt ke Jerusalem eti-eti; ediwak mme oku enyuŋ esuk ibuot enɔ akpanikɔ.

UTOM MME APOSTLE 8:7

Koro ndidehe spirit efiori ke ɔkpɔsɔŋ uyo ewɔŋɔ ekpɔŋ ediwak owo emi enyenede mmɔ: ediwak mmɔ eke edɔŋɔde akpa-ubeŋ, ye mmɔ eke edide mbuŋɔ, enyuŋ ekop nsɔŋidem.

UTOM MME APOSTLE 9:34

Ndien Peter ɔdɔhɔ enye ete, Aeneas, Jesus Christ anam udɔŋɔ fo okure; daha ke enyɔŋ, tim mkpana fo.

UTOM MME APOSTLE 9:40

Edi Peter anam kpukpru mmɔ ewɔŋɔ, onyuŋ ɔtɔŋɔ edɔŋ, ɔbɔŋ akam; ndien akabare ese okpo, ete, Tabitha, daha ke enyɔŋ. Enye atat enyin esie; ndien ke ini enye okutde Peter, enye adaha etetie.

ŊWED MBON ROME 15:19

mbe se Christ akadade mi anam, ke ikɔ ye utom, ke odudu mme idiɔŋɔ ye mme utibe-ŋkpɔ ye ke odudu edisana Spirit, man mme Gentile esuk ibuot. Ntem ke mma ntɔŋɔ ke Jerusalem ŋkwɔrɔ gospel Christ ɔyɔhɔ-ɔyɔhɔ tutu ŋkanare ŋkosim Illyricum.