JOHN 14:11 - Edisana ñwed Abasi Ibom

¹¹ Enim Mi ke akpanikɔ ete, Ami ndu ke Ete, Ete onyuŋ odu Mi ke idem; midige, enim se ntiŋde ke akpanikɔ ke ntak utom Mi.

JOHN 14:11 ပူးပေါင်းရင်းမြစ်များ

JOHN 10:25

Jesus ɔbɔrɔ mmɔ ete, Mma ntiŋ nnɔ mbufo, ndien mbufo inimke ke akpanikɔ: mme utom eke Ami nnamde ke enyiŋ Ete Mi edi ntiense enɔ Mi.

JOHN 10:32

Jesus ɔbɔrɔ mmɔ ete, Ŋkowut mbufo ediwak nti utom eke etode Ete; mbufo etɔ Mi ke itiat kabaŋa utom ewe ke otu mmɔ?

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 14:10

Nte unimke ke akpanikɔ ete, Ami ndu ke Ete, Ete onyuŋ odu Mi ke idem? mme ikɔ eke ntiŋde nnɔ mbufo, ntiŋke ke uyo Idem Mi: edi Ete emi odude Mi ke Idem ke anam utom Esie.

JOHN 14:20

Adaŋoro mbufo eyefiɔk ete Ami ndu ke Ete Mi, mbufo enyuŋ edu ke Ami, Ami nnyuŋ ndu mbufo ke idem.

JOHN 5:36

Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.