JOHN 13:5 - Edisana ñwed Abasi Ibom

⁵ Ndien Enye ɔtɔhɔ mmɔŋ esin ke akpaŋkpaŋ, onyuŋ ɔtɔŋɔ ndiyet mbet Esie ukot nnyuŋ nda ukwɔhɔre-idem emi Enye awaŋde ke ŋkuk ŋkwɔhɔre mmɔ ukot.

JOHN 13:5 ပူးပေါင်းရင်းမြစ်များ

GENESIS 18:4

Mbɔk yak eda ekpri mmɔŋ ediyet mbufo ukot, mbufo enyuŋ etie ke idak eto eduɔk odudu:

GENESIS 19:2

onuk iso esie ese isɔŋ; ndien enye ɔdɔhɔ, ete, Sese, mbɔk, mbɔŋ mi, mbufo ewaha, mbɔk, ke ufɔk owo mbufo, enyuŋ edaŋ, enyuŋ eyet ukot mbufo, ndien ebak edaha, enyɔŋɔ ke usuŋ mbufo. Ndien mmɔ ete, Ih ih;

GENESIS 43:24

Ndien enye osio Simeon ɔnɔ mmɔ. Ndien enye ada mmɔ oto oduk ke ufɔk Joseph, onyuŋ ɔnɔ mmɔŋ, ndien mmɔ eyet ukot mmɔ; onyuŋ ɔnɔ ass mmɔ se etade.

2 NDIDEM 3:11

Ndien Jehoshaphat ɔdɔhɔ ete, Nte prophet Jehovah eke nnyin ikpedade ibup Jehovah, iduhe mi? Ndien owo ikɔt edidem Israel kiet ɔbɔrɔ ete, Elisha eyen Shaphat, emi ɔkɔtɔhɔde Elijah mmɔŋ ke ubɔk, odu mi.

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

EXODUS 29:4

Ndien da Aaron ye nditɔ esie saŋa kpere enyin-usuŋ tent esop, nyuŋ yet mmɔ mmɔŋ.

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

LEVITICUS 14:8

Ndien yak owo emi enamde enye asana, eyet edisine-ŋkpɔ esie, onyuŋ okporo kpukpru idet esie onyuŋ eyet idem esie ke mmɔŋ, man enye edi edisana: ndien enye edi ediduk ke nna, etie ke mkpe esa tent esie ke ofuri usen itiaba.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

LUKE 7:38

ada ufuɔŋkpɔ ke otu alabaster edi, onyuŋ ada Enye ke edem-edem ke ukot, atua eyet, ndien mmɔŋ-eyet esie ebit Jesus ukot; enye onyuŋ ada idet ibuot esie ɔkwɔhɔre Enye ukot, otim ukot Esie inua, onyuŋ ada ufuɔŋkpɔ eyet Enye ke ukot.

LUKE 7:44

Ekem Enye ɔwɔŋɔre ese ŋwan, onyuŋ ɔdɔhɔ Simon ete, Omokut ŋwan emi? Ŋkodukde ke ufɔk fo, afo unɔŋɔ Mi mmɔŋ ndida nyet ukot: edi enye ada mmɔŋ-eyet esie eyet Mi ukot, onyuŋ ada idet esie ɔkwɔhɔre Mi ukot.

JOHN 13:10

Jesus ete enye, Owo ama ekeyere mmɔŋ, enye inyeneke nditɔŋɔ ntak nyere, ibɔhɔke ndiyet ukot esie, edi asana ofuri-ofuri: ndien mbufo emesana, edi idige kpukpru mbufo.

JOHN 13:6

Ntre ke Enye edisim Simon Peter. Enye oro obup Jesus ete, Ɔbɔŋ, nte ɔmɔŋ eyet mi ukot?

JOHN 13:8

Peter ete Enye, Uduyetke mi ukot. Jesus ɔbɔrɔ enye ete, Edieke mmenyetke fi, afo usuaŋake ŋkpɔ ye Ami.

JOHN 19:34

Edi owo kiet ke otu mbon-ekɔŋ oro ada eduat okim Enye ke ŋkaŋ, ndien idaha oro iyip ye mmɔŋ eto do ewɔrɔ.

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

ŊWED MBON EPHESUS 5:26

man Enye akpada mmɔŋ ɔkɔrɔ ye ikɔ Abasi eyet ɔkɔp esie,

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 5:6

Emi edi Enye emi akasaŋade ye mmɔŋ ye iyip edi, kpa Jesus Christ; isaŋake ye mmɔŋ ikpɔŋ idi, edi asaŋa ye mmɔŋ ye iyip.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

JUDGES 19:21

Ndien enye ada enye eken aka ke ufɔk esie, onyuŋ abuak udia ɔnɔ mme ass mmɔ, onyuŋ eyet mmɔ oro ukot ndien mmɔ edia ŋkpɔ enyuŋ eŋwɔŋ.

1 SAMUEL 25:41

Ndien enye adaha ke enyɔŋ otuk iso esie ese isɔŋ, onyuŋ ɔdɔhɔ ete, Sese, yak owo fo akabare edi ofin aŋwan eke eyetke ikɔt ɔbɔŋ mi ukot.