JOHN 13:34 - Edisana ñwed Abasi Ibom

³⁴ Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

JOHN 13:34 ပူးပေါင်းရင်းမြစ်များ

ŊWED MME PSALM 119:63

Ami ndi nsaŋa kpukpru mmɔ eke ebakde fi, ye eke mmɔ emi enimde item fo.

ŊWED MME PSALM 16:3

se ifɔnde ye ami ibehe fi. Kpa ntre ye ndisana owo emi edude ke isɔŋ, ye ata nti owo emi ofuri idaresit mi otode mmɔ.

LEVITICUS 19:18

Kusio usiene, kunyuŋ ukɔk nditɔ obio mbufo ekikɔhɔ edi ma mbɔhiduŋ fo nte idem fo: ami ndi Jehovah.

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

JOHN 15:17

Mmowuk mbufo ntem nte, mbufo ema kiet eken.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

ŊWED MBON ROME 13:10

Ima inamke mbuɔhiduŋ idiɔk; ntem ima edi erinim ibet mma.

ŊWED MBON ROME 13:8

Ekukama owo isɔn ebe ndima kiet eken. Koro owo eke amade owo efen ama onim ibet ama.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

ŊWED MBON GALATIA 5:6

Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

ŊWED MBON GALATIA 6:2

Ebiom mbiomo kiet eken; ntem ke mbufo edinim ibet Christ.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

ŊWED MBON COLOSSAE 1:4

koro ima ikokop ibaŋa mbuɔtidem emi mbufo enyenede ke Christ Jesus, ye ima emi mbufo emade kpukpru ikɔt Abasi,

1 ŊWED THESSALONICA 3:12

Ɔbɔŋ akpakam onyuŋ anam mbufo ekɔri enyene ima ɔyɔhɔ ɔyɔhɔ ye kiet eken, enyuŋ enyene ima ye kpukpru owo, kpa nte nnyin inyenede ye mbufo;

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

MME HEBREW 13:1

YAK ima mbufo ye nditɔ-ete osuk amana ada.

JAMES 2:8

Edi edieke mbufo enimde ewuhɔ Edidem, nte ewetde ke Ŋwed Abasi ete, Ma mbɔhiduŋ fo nte amade idem fo, mbufo enam se ifɔnde;

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

2 PETER 1:7

ye uteŋe Abasi ke ime, ye iman ke uteŋe Abasi, ye ima ke iman.

1 JOHN 3:11

Koro emi edi etop emi mbufo ekekopde toto ke eritɔŋɔ, ete, nnyin ikpama kiet eken;

1 JOHN 3:23

Ndien mbet Esie edi ntem, ete, nnyin ibuɔt idem ke enyiŋ Eyen Imɔ Jesus Christ, inyuŋ ima kiet eken, kpa nte Enye ɔnɔde nnyin item.

1 JOHN 4:21

Ndien item emi ke nnyin ikɔbɔ ke ubɔk Esie, ete, owo emi amade Abasi edima eyen-ete esie ŋko.

2 JOHN 1:5

Ndien ke emi mmebeŋe fi, eti ŋwan, idige nte ŋwetde obufa item nnɔ fi, edi idem item emi nnyin ikenyenede toto ke eritɔŋɔ, nte, yak nnyin ima kiet eken.