JOHN 13:31 - Edisana ñwed Abasi Ibom

³¹ Ke enye ama ɔkɔwɔrɔ, Jesus ɔdɔhɔ ete, Eyen Owo ɔkɔbɔ ubɔŋ ke emi, Abasi okonyuŋ ɔbɔ ubɔŋ ke idem Eyen.

JOHN 13:31 ပူးပေါင်းရင်းမြစ်များ

MATTHEW 8:20

Ndien Jesus ete enye, Ebua-ikɔt enyene ndudu, inuen enyɔŋ enyuŋ enyene mme efɔk; edi Eyen Owo inyeneke ɔtɔ eke odoride ibuot Esie.

LUKE 12:50

Edi mmenyene baptism eke edinimde Mi; ndien ndu ke mbaba adaŋa didie tutu enam enye ema!

JOHN 11:4

Edi ke ini Jesus okopde, Enye ete, Udɔŋɔ emi idige udɔŋɔ mkpa, edi odu kabaŋa ubɔŋ Abasi, man oto do enɔ Eyen Abasi ubɔŋ.

JOHN 12:23

Jesus ɔbɔrɔ mmɔ ete, Ekem ini emi Eyen Owo edinyenede ubɔŋ.

JOHN 12:28

Ndɔhɔ nte, Ete, nɔ enyiŋ Fo ubɔŋ. Ntre ke uyo oto ke enyɔŋ ete, Mma ŋkɔnɔ enyiŋ Mi ubɔŋ, nyenyuŋ ntɔŋɔ ntak nnɔ enye ubɔŋ.

JOHN 14:13

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen.

JOHN 16:14

Enye eyenam nnyene ubɔŋ: koro Enye eyeda se inyenede Mi ayarare ɔnɔ mbufo.

JOHN 7:39

Enye ɔdɔhɔ emi abaŋa Spirit emi mmɔ emi ebuɔtde idem ye Enye edibɔde; koro ikɔnɔŋɔ Spirit kaŋa sia Jesus midukke kaŋa ke ubɔŋ.

UTOM MME APOSTLE 2:36

Mmɔdo yak ofuri ufɔk Israel etim efiɔk ete, Abasi ama anam Enye edi ɔbɔŋ ye Christ, kpa Jesus emi mbufo ekewotde ke cross.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

2 ŊWED CORINTH 3:18

Edi kpukpru nnyin imada iso emi mikuihi, imum ubɔŋ Ɔbɔŋ ikama, nte ukuriso omumde ŋkpɔ; ntre ke nnyin ikpuhɔre ibe ikabare inyene mbiet Esie, ikɔrɔ ubɔŋ ke ubɔŋ, kpa nte Ɔbɔŋ emi edide Spirit anamde.

ŊWED MBON EPHESUS 1:12

man nnyin, emi ikebemde iso idori enyin ke Christ, ikpakabare inɔ ubɔŋ Esie itoro.

ŊWED MBON EPHESUS 2:7

kpaŋ ke mme eyo eke edidide Enye akpada mfɔnido eke Enye ɔfɔnde ido ye nnyin ke Christ Jesus, owut mfɔn Esie emi awakde akan.

ŊWED MBON EPHESUS 3:10

Man oto do ke emi, ekpada ufɔk Abasi enam mme andikara ye mme enyene-odudu emi edude ke mme itie heaven efiɔk uwak-uwak ɔniɔŋ Abasi;

ŊWED MBON PHILIPPI 2:11

kpukpru edeme ekponyuŋ enyime ete Jesus Christ edi Ɔbɔŋ, enɔ Abasi Ete ubɔŋ.

1 PETER 1:21

Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.