JOHN 13:27 - Edisana ñwed Abasi Ibom

²⁷ Ndien ke Judas ama ɔkɔbɔ uyo oro, ekem Satan oduk enye esit. Ntem ke Jesus ɔdɔhɔ enye ete, Wara nam se aduakde ndinam.

JOHN 13:27 ပူးပေါင်းရင်းမြစ်များ

1 NDIDEM 18:27

Edikem ke ufɔt uwemeyo, ndien Elijah abiaŋa mmɔ, onyuŋ ɔdɔhɔ, ete, Mbufo esɔŋ uyo ekot: koro enye edide abasi; koro enye etiede ekere: koro enye awahade aka ŋkpɔ koro enye adade isaŋ; mme enye ede idap, ndien enyene nditatuak enye.

ŊWED MME PSALM 109:6

Nim idiɔk owo ke etubom esie, nim owo usua ke ubɔk nnasia esie.

MME ŊKE 1:16

Koro ukot mmɔ efehede etiene idiɔk, enyuŋ esɔp ndiduɔk iyip.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

DANIEL 2:15

enye ɔbɔrɔ onyuŋ ɔdɔhɔ Arioch adidaha owo edidem, ete, Nsinam ewuhɔ emi otode ke iso edidem ɔsɔpde ntem? Ndien Arioch asian ŋkpɔ oro ɔnɔ Daniel.

MATTHEW 12:45

Ekem enye aka akada spirit itiaba efen eke ediɔkde ekan idem esie adian idem, ndien mmɔ eduk ekoduŋ do: ndien ukperedem itie owo oro akabare ɔdiɔk akan mbemiso. Kpa ntre ke edidi ye idiɔk emana emi.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

MARK 6:25

Ekem kpa idaha oro eyen-aŋwan awara oduk ke ɔtɔ edidem, ebeŋe ete, Nyom afo ɔnɔ mi ibuot John Baptist idahemi ke usan.

LUKE 22:3

Edi Satan oduk ke esit Judas, emi ekotde ekadian Iscariot, emi edide owo kiet ke otu mbet duopeba.

JOHN 13:2

Ndien ke ini udia mbubreyo, ke Satan ama okotop ekikere esin ke esit Judas Iscariot eyen Simon ete, ada Enye ɔnɔ;

JOHN 13:28

Edi baba owo kiet ke okpokoro ifiɔkke ntak eke Jesus ɔdɔhɔde enye ntem.

JOHN 6:70

Jesus ɔbɔrɔ mmɔ ete, Nte ŋkemekke mbufo owo duopeba? ndien owo kiet ke otu mbufo edi demon.

UTOM MME APOSTLE 5:3

Edi Peter ete, Ananias, nsinam Satan ɔyɔhɔde fi esit, esin osu nsu ɔnɔ Edisana Spirit, omum ubak okuk iŋwaŋ akama?