JOHN 13:21 - Edisana ñwed Abasi Ibom

²¹ KE Jesus ama eketiŋ ntem; spirit otimere Enye, Enye onyuŋ ɔsɔŋ uyo ɔdɔhɔ ete, Ke akpanikɔ ke ndɔhɔ mbufo nte, Owo kiet ke otu mbufo eyeda Mi ɔnɔ.

JOHN 13:21 ပူးပေါင်းရင်းမြစ်များ

MATTHEW 26:21

ndien nte mmɔ ediade, Enye ɔdɔhɔ ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ.

MATTHEW 26:38

Ekem Enye ɔdɔhɔ mmɔ ete, Ukpɔŋ Mi ɔfuhɔ eti-eti ekpere ndikpa; mbufo etie mi, ekpeme ye Ami.

MARK 14:18

Ndien nte mmɔ etiede edia ŋkpɔ, Jesus ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ kpa owo eke adiade ŋkpɔ ye Ami.

MARK 3:5

Ndien ke ini Enye ama akasuan enyin ese mmɔ ke iyaresit, koro nsɔŋesit mmɔ anamde Enye mfuhɔ, Enye ɔdɔhɔ owo oro ete, Nyanare ubɔk fo. Enye anyanare ubɔk: ubɔk esie onyuŋ akabare ɔfɔn.

JOHN 11:33

Ntem ke ini Jesus okutde nte Mary atuade eyet, ye nte mme Jew emi esaŋade ye enye etuaŋade, Enye omum mmum ke spirit, esit onyuŋ otimere Enye:

JOHN 11:35

Jesus atua eyet.

JOHN 11:38

Jesus ɔtɔŋɔ ntak omum mmum ke esit, ndien edi ke udi. Udi edi aba itiat, itiat onyuŋ ebere ke inua esie.

JOHN 12:27

Ukpɔŋ otimere Mi ke idem ke emi, ndien ndidɔhɔ nso? Ete, nyaŋa Mi sio ke ubɔk ini emi? Edi mma nsim ini emi ke ntak emi.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

JOHN 13:2

Ndien ke ini udia mbubreyo, ke Satan ama okotop ekikere esin ke esit Judas Iscariot eyen Simon ete, ada Enye ɔnɔ;

JOHN 13:22

Mbet ese kiet eken, eyik mme Enye etiŋ abaŋa anie.

UTOM MME APOSTLE 17:16

Ke adaŋemi Paul etiede ke Athens ebet mmɔ, esit ayat enye ndikut nte ndem eyɔhɔde ke obio.

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.