JOHN 13:1 - Edisana ñwed Abasi Ibom

¹ KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 13:1 ပူးပေါင်းရင်းမြစ်များ

MME ŊKE 8:31

Ndara mbaŋa edem isɔŋ esie emi owo oduŋde: ndien idaresit mi odu ke otu nditɔ owo.

JEREMIAH 31:3

Ke eyo oko Jehovah okowut mi idem, ete, Mmama fi nsinsi ima: mmɔdo mfɔnde ido ye afo mbigi.

MATTHEW 26:45

Ekem Enye asaŋa ekpere mbet Esie, ete, Edɔdiɔŋ ede idap, eda nduɔkodudu: sese, ini ke ekpere; emonyuŋ eda Eyen Owo esin mme idiɔk owo ke ubɔk.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

LUKE 22:53

Ke adaŋemi ŋkodude ye mbufo ke temple ke usen ke usen, mbufo inyanakere ubɔk iyom ndinam Mi ŋkpɔ: edi emi edi ifet mbufo ye eke odudu ekim.

LUKE 9:51

Edikem, ke ini nme usen eke edimende Enye edɔk ekperede,

JOHN 11:55

Edi Passover mme Jew ke ekpere; ediwak owo enyuŋ ebem Passover iso eto iŋwaŋ edɔk eka ke Jerusalem ndinam idem mmɔ esana. Ndien mmɔ eyoyom Jesus,

JOHN 12:23

Jesus ɔbɔrɔ mmɔ ete, Ekem ini emi Eyen Owo edinyenede ubɔŋ.

JOHN 13:29

Koro ndusuk mmɔ ese ete, sia Judas akamade ekpat okuk, Jesus ɔnɔ enye uyo ete, Dep se iyomde inɔ usɔrɔ; midige, nɔ nditɔ-ubuene ŋkpɔ.

JOHN 13:3

sia Jesus ɔfiɔkde ete Ete amayak kpukpru ŋkpɔ esin Imɔ ke ubɔk, Imɔ ikonyuŋ ito Abasi, inyuŋ inyɔŋ itiene Abasi,

JOHN 13:34

Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

JOHN 14:28

Mbufo ema ekop ete ŋkɔdɔhɔ mbufo, nte, Mmɔŋ ndinyɔŋ, ndien nyefiak ntiene mbufo. Edieke mbufo emade Mi, mbufo ekpadara, sia nnyɔŋde ntiene Ete: koro Ete omokpon akan Mi.

JOHN 14:31

edi man ererimbot efiɔk ete mmama Ete, ndien nte Ete ɔkɔnɔde Mi item, kpa ntre ke nnam. Edaha ke enyɔŋ, edi iwɔŋɔ.

JOHN 16:28

Ŋkoto ke ɔtɔ Ete ndi ke ererimbot; nnyuŋ mmɔŋ ŋkpɔŋ ererimbot nnyɔŋ ntiene Ete.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;

JOHN 17:16

Mmɔ idige eke ererimbot, kpa nte Ami mmendige eke ererimbot.

JOHN 17:26

Ndien mmayarare enyiŋ Fo nnɔ mmɔ, nyenyuŋ nyarare: man ima emi Afo akamade Mi odu mmɔ ke esit, Ami nnyuŋ ndu mmɔ ke esit.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 18:4

Sia Jesus ɔfiɔkde kpukpru se iyomde ndisim Enye, Enye ɔwɔrɔ edi, edibup mmɔ, Mbufo eyom anie?

JOHN 19:28

Ke ŋkpɔ emi ama ekebe, sia Jesus ɔfiɔkde ete kpukpru ŋkpɔ ekure, man se ewetde osu, Enye ɔdɔhɔ ete, Itɔŋ ke asat Mi.

JOHN 2:13

Passover mme Jew ekpere, ndien Jesus ɔdɔk aka Jerusalem.

JOHN 6:4

Ekpere Passover, usɔrɔ mme Jew.

JOHN 7:30

Ntem ke mmɔ eyom ndimum Enye: ndien baba owo kiet itukke Enye ubɔk, koro ini mikemke Enye kaŋa.

JOHN 7:6

Ntre ke Jesus ete mmɔ, Ini Mi ikemke kaŋa; eke mbufo ekekem kpukpru ini.

JOHN 8:20

Enye eketiŋ ikɔ ke ubet unim-ŋkpɔ, nte Enye ekpepde owo ŋkpɔ ke temple: edi baba owo kiet imumke Enye, koro ini mikemke Enye kaŋa.

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

1 ŊWED CORINTH 1:8

emi edinyuŋ anamde mbufo esɔŋɔ eda tutu osim utit, enana ubiom-ikpe ke usen Ɔbɔŋ nnyin Jesus Christ.

MME HEBREW 3:14

koro nnyin imakabare idi mme abuana ŋkpɔ ye Christ, edieke nnyin isɔŋɔde imum mbuɔtidem eke ikenyenede ke eritɔŋɔ tutu osim akpatre:

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

MME HEBREW 6:11

Edi ɔdɔŋ nnyin nte kpukpru mbufo ewut kpa oruk ifik oro, man enyene ɔyɔhɔ idorenyin tutu osim utit:

1 PETER 1:13

Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.

1 JOHN 4:19

Nnyin ima ima, koro Enye ekebemde iso ama nnyin.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;