JOHN 12:5 - Edisana ñwed Abasi Ibom

⁵ Nsinam mikanyamke edifuɔŋ aran emi ibɔ okuk ikie ita, ida inɔ mme ubuene?

JOHN 12:5 ပူးပေါင်းရင်းမြစ်များ

EZRA 4:14

Mmɔdo, koro nnyin idiade inuŋ ke ufɔk edidem, ndien ifɔnke nnyin ndikut nte ŋkpɔ edidem abiarade, oro esin nnyin idɔŋ, ite esian edidem;

EXODUS 5:17

Ndien enye ɔdɔhɔ ete, mbufo edi ifu, ifu, ifu: oro esin mbufo edɔhɔ ete, Yak nnyin ika ikawa uwa inɔ Jehovah.

EXODUS 5:8

Ndien ama edi ibat brick emi mmɔ ekam esinamde akpa, mbufo enim suk oro enɔ mmɔ; ekusio baba kiet: koro mmɔ efu ifu: oro esin mmɔ efiori ete, Yak nnyin ika ikawa uwa inɔ Abasi nnyin.

AMOS 8:5

“Ete, ini ewe ke obufa ɔfiɔŋ edibe, man nnyin inyam ibokpot? Ini ewe ke mme sabbath edibe, man nnyin isioŋo mkpasip” ke enam ephah ekpri, enyuŋ enam shekel okpon, enyuŋ ekwaŋa udomo ŋkpɔ abiaŋa?

MATTHEW 18:28

Edi owo oro adaha ɔwɔrɔ onyuŋ okut eyen-ufɔk ete esie kiet, emi akamade enye okuk ikie; onyuŋ omum enye, efik enye itɔŋ, ete, Sio se akamade mi.

MATTHEW 20:2

Ndien ke enye ama okodiomi ye mbon-utom ndinɔ mmɔ okut kiet ke usen kiet, enye ɔdɔŋ mmɔ eka ke iŋwaŋ vine.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 6:41

Edi nsinam afo esede ekpri mbio eke odude ke enyin eyen-ete fo, edi mukereke obukpɔk oro odude fi ke enyin?

JOHN 12:4

Edi Judas Iscariot, owo mbet Esie, emi edidade Enye ɔnɔ, ɔdɔhɔ ete,

JOHN 12:6

Edi enye idɔhɔke ntem koro enye ekerede mme ubuene; edi ɔdɔhɔ koro enye edide inɔ, onyuŋ akamade ekpat okuk, onyuŋ ososio se isinede ke esit.

JOHN 13:29

Koro ndusuk mmɔ ese ete, sia Judas akamade ekpat okuk, Jesus ɔnɔ enye uyo ete, Dep se iyomde inɔ usɔrɔ; midige, nɔ nditɔ-ubuene ŋkpɔ.

JOHN 6:7

Philip ɔbɔrɔ Enye ete, Uyo eke akpade okuk ikie iba ikemke kpukpru mmɔ ndidia nsit-nsit.