JOHN 12:36 - Edisana ñwed Abasi Ibom

³⁶ Ke ini mbufo enyenede uŋwana, ebuɔt idem ye uŋwana, man mbufo ekabare edi nditɔ uŋwana. Jesus eketiŋ ŋkpɔ emi, onyuŋ adaha okodibe mmɔ.

JOHN 12:36 ပူးပေါင်းရင်းမြစ်များ

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

MATTHEW 21:17

Ndien Enye ɔkpɔŋ mmɔ, ɔwɔrɔ ke obio aka Bethany akadaŋ do.

MATTHEW 5:14

Mbufo edi uŋwana ererimbot. Obio eke ebɔpde ke enyɔŋ obot ikemeke ndidibe.

LUKE 16:8

Ndien ɔbɔŋ oro otoro ukwaŋ akama-ukpɔhɔre, koro enye anamde ɔniɔŋ-ɔniɔŋ: koro mbon eyo emi edi ɔniɔŋ ke mbubehe mmɔ ye mbio emana mmɔ, ekan nte nditɔ uŋwana edide.

JOHN 1:7

Enye ekedi nte ntiense, ete idi ntiense inɔ uŋwana oro, kpaŋ kpukpru owo enim ke akpanikɔ oto ke enye.

JOHN 11:54

Ntre ke Jesus isanŋake aba aŋwa-aŋwa ke otu mme Jew, edi adaha do aka ke edem eke ekperede desert, okoduk ke obio emi ekerede Ephraim, onyuŋ etie do ye mbet Esie.

JOHN 12:37

Edi okposuk edi oro Enye akanamde adaŋa uwak-uwak mme idiɔŋɔ ke iso mmɔ, mmɔ ibuɔtke idem ye Enye:

JOHN 12:46

Mmedi nte uŋwana ke ererimbot, man owo ekededi eke ɔbuɔtde idem ye ami okusuk odu ke ekim.

JOHN 3:21

Edi owo eke anamde se idide akpanikɔ ɔwɔrɔ edi ke uŋwana, man eyarare utom esie, ete, enye etie ke Abasi ananam mmɔ.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

JOHN 8:59

Do mmɔ etaŋ itiat ete itɔ Enye: edi Jesus odibe ɔwɔrɔ ke temple.

ŊWED MBON EPHESUS 5:8

Koro mbufo ekedi ekim totoko, edi emewɔrɔ edi uŋwana ke Ɔbɔŋ ke emi:

1 ŊWED THESSALONICA 5:5

koro kpukpru mbufo edi nditɔ uŋwana ye nditɔ uwemeyo: nnyin idige mbon okoneyo inyuŋ idige mbon ekim.

1 ŊWED THESSALONICA 5:8

Edi eyak nnyin, emi idide nditɔ uwemeyo, imum idem nnyin ikama, isine mbuɔtidem ye ima nte ŋkpɔ ikpanesit, inyuŋ iyara idori-enyin erinyaŋa nte ndun ibuot.