JOHN 12:32 - Edisana ñwed Abasi Ibom

³² Ndien Ami, ke ema emen Mi ekpɔŋ isɔŋ, nyedudi kpukpru owo etiene Mi.

JOHN 12:32 ပူးပေါင်းရင်းမြစ်များ

2 SAMUEL 18:9

Ekem Absalom edisobo ye ikɔt David. Ndien Absalom odoro mule, mule oro onyuŋ oduk ke idak ŋkɔk akamba ofriyo kiet, ndien ŋkɔk oro omum enye ibuot, emen akama ufum-ufum ke ufɔt enyɔŋ ye isɔŋ; ndien mule oro enye odorode ebe.

IKWƆ SOLOMON 1:4

Dudi mi, yak nnyin ibine fi. Edidem ama ada mi oduk ke ubet esie: nnyin iyenem esit, inyuŋ idara fi, iyetoro ima fo ikan wine: mmɔ ema fi nte enende.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

HOSEA 11:4

Nda mme oruk owo, kpa mme idut ima, ndudi mmɔ; ami nnyuŋ ntie ye mmɔ nte mmɔ eke edororede ɔkpɔnɔ ke mbaŋ mfep, nnyuŋ nnyan udia nnɔ enye adia.

NUMBERS 21:9

Ndien Moses ada okpoho anam urukikɔt, emen ɔkɔŋ ke enyɔŋ anyan eto, ndien ekem, ke adaŋoro urukikɔt odomde owo, ndien enye ese urukikɔt okpoho oro, enye odu uwem.

JOHN 1:7

Enye ekedi nte ntiense, ete idi ntiense inɔ uŋwana oro, kpaŋ kpukpru owo enim ke akpanikɔ oto ke enye.

JOHN 12:34

Ntem ke otu owo ebɔrɔ Enye ete, Nnyin ima ikop nte edɔhɔde ke ibet, ete Christ eyesuk odu ke nsinsi: ndien Afo anam didie ɔdɔhɔ ete, Enyene ndimen Eyen Owo ke enyɔŋ? anie edi Eyen Owo emi?

JOHN 18:32

man ikɔ nte Jesus eketiŋde owut oruk mkpa eke Enye edikpade osu.

JOHN 19:17

Ntem ke mmɔ eda Jesus: ndien Enye ɔwɔrɔ obiom cross Esiemɔ, aka ke ebiet emi ekerede Itie-Mkpɔkpɔrɔ, onyuŋ ekerede Golgotha the usem Hebrew.

JOHN 3:14

Ndien kpa nte Moses ekemende urukikɔt ke enyɔŋ ke desert, kpa ntre ke ana nte edimen Eyen Owo ke enyɔŋ:

JOHN 6:44

Baba owo kiet ikemeke nditiene Mi, ibɔhɔke Ete emi ɔkɔdɔŋde Mi, odudi enye edi: ndien nyenam enye eset ke akpatre usen.

JOHN 8:28

Ntre ke Jesus ɔdɔhɔ mmɔ ete, Ke ini mbufo edimenerede Eyen Owo ke enyɔŋ, adaŋoro ke mbufo edifiɔk ete Ami ndi Enye nnyuŋ nnamke ŋkpɔ oto Idem Mi, edi kpa nte Ete ekekpepde Mi, kpa ntre ke ntetiŋ.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

1ŊWED TIMOTHY 2:6

emi ɔkɔnɔde Idem Esie, ete idi ufak kpukpru owo. Ekɔnɔ mbuk ebaŋa ŋkpɔ emi ke edikem ini;

MME HEBREW 2:9

Edi nnyin ikut Enye, emi ekenamde Enye ekpri akan mme angel ke ini esisit kaŋa man Enye akpa mkpa, kpa Jesus, nte ayarade ubɔŋ ye ukpono man ke mfɔn Abasi Enye akpatabi mkpa ke ibuot kpukpru owo.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;