JOHN 12:17 - Edisana ñwed Abasi Ibom

¹⁷ Ntem ke otu owo emi ekedude ye Enye ke ini Enye okotde Lazarus ɔwɔrɔ ke udi anam enye eset ke mkpa, etiŋ se mmɔ ekekutde.

JOHN 12:17 ပူးပေါင်းရင်းမြစ်များ

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

JOHN 1:32

John onyuŋ etie ntiense ete, Mma ŋkut Spirit nte otode ke enyɔŋ ɔsuhɔre nte ibiom odoro Enye ke idem.

JOHN 1:34

Ami mma nnyuŋ ŋkut, nnyuŋ ntie ntiense nte, Emi edi Eyen Abasi.

JOHN 11:31

Ntem ke ini mme Jew, emi etiede ye Mary ke ufɔk edɔŋ enye esit, ekutde nte enye adahade ke enyɔŋ iwiwa ɔwɔrɔ, mmɔ etiene enye, ese ete, enye aka udi nditua eyet do.

JOHN 11:42

Ami nnyuŋ mfiɔk nte okop uyo Mi kpukpru ini; edi kabaŋa otu owo emi edade ekan ekuk, ŋkɔdɔhɔ ntem, man mmɔ enim ke akpanikɔ ete Afo ɔkɔdɔŋ Mi.

JOHN 12:9

Ntre ke akwa otu mme Jew efiɔk ete Enye do; ndien mmɔ edi, idige ke ntak Jesus ikpɔŋ, edi man mmɔ enyuŋ ekut lazarus, emi Enye akanamde eset ke mkpa.

JOHN 19:35

Ndien owo emi okokutde ŋkpɔ emi edi ntiense, ndien ikɔ-ntiense esie edi se owo ekpenimde ke akpanikɔ: enye onyuŋ ɔfiɔk ete imɔ itiŋ akpanikɔ, man mbufo ŋko enim ke akpanikɔ.

JOHN 21:24

Emi edi mbet emi etiede ntiense abaŋa mme ŋkpɔ emi, onyuŋ ewetde mme ŋkpɔ emi, nnyin imonyuŋ ifiɔk ite ikɔ ntiense esie edi akpanikɔ.

UTOM MME APOSTLE 1:22

Jesus ododuk ɔwɔwɔŋɔ ke otu nnyin, tɔŋɔ ke baptism John tutu osim usen emi emende Enye edɔk ekpɔŋ nnyin, ke otu mmɔ emi owo kiet enyene nditiene nnyin ndi ntiense eriset Esie.

UTOM MME APOSTLE 5:32

Nnyin inyuŋ idi mme ntiense ŋkpɔ emi: Edisana Spirit, emi Abasi ɔnɔde mmɔ emi ekopde uyo Esie, onyuŋ edi ntiense ŋko.

ERIYARARE 1:2

emi eketiede ntiense abaŋa ikɔ Abasi, ye ikɔ-ntiense eke Jesus Christ ɔnɔde, kpa kpukpru ŋkpɔ eke enye okokutde.