JOHN 11:55 - Edisana ñwed Abasi Ibom

⁵⁵ Edi Passover mme Jew ke ekpere; ediwak owo enyuŋ ebem Passover iso eto iŋwaŋ edɔk eka ke Jerusalem ndinam idem mmɔ esana. Ndien mmɔ eyoyom Jesus,

JOHN 11:55 ပူးပေါင်းရင်းမြစ်များ

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

ŊWED MME PSALM 26:6

Nyeyet ubɔk mi esana: ndien nyekanare itie-uwa fo ŋkuk,

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

NUMBERS 9:10

Edieke okpo edisabarede owo ekededi ke otu mbufo, ye ke otu emana mbufo, mme owo edikade anyan usuŋ, enye okutre ndinim passover nnɔ Jehovah.

NUMBERS 9:6

Ndien enyene ndusuk owo emi okpo owo asabarede mmɔ, ndien ikwe nte enimde passover ke usen oro: ndien mmɔ eto edi ke iso Moses ye ke iso Aaron ke usen oro:

MATTHEW 26:1

EDIKEM ke ini Jesus ama eketiŋ kpukpru ikɔ emi ama,

MATTHEW 26:2

Enye ɔdɔhɔ mbet Esie ete, Mbufo efiɔk ete, usen iba ema ebe, passover edi, ndien ema eda Eyen Owo enɔ, ete ewot Enye ke cross.

MARK 14:1

EDI osuk usen iba edisim usɔrɔ passover ye uyo eke leaven miduhe: ndien ikpɔ oku ye mme scribe ke eyom usuŋ nte mmɔ edimumde Enye ke ŋkari ewot.

LUKE 22:1

EKEM usɔrɔ uyo eke leaven miduhe, emi ekerede passover, ekpere.

JOHN 12:1

OSUK usen itiokiet ndien edikem ini Passover, Jesus edi ke Bethany, ebiet emi Lazarus oduŋde do, kpa owo emi Enye akanamde eset ke mkpa.

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 18:28

Ntem ke mmɔ eda Jesus ewɔrɔ ekpɔŋ Caiaphas, eka ke ufɔk andikara. Eyo ama esiere. Mmɔ ke idem mmɔ inyuŋ idukke ufɔk andikara mbak edisabare idem, ete idia passover.

JOHN 2:13

Passover mme Jew ekpere, ndien Jesus ɔdɔk aka Jerusalem.

JOHN 2:6

Abaŋ mmɔŋ itiokiet, eke ebotde ke itiat, ediɔhɔ do, nte asaŋade ekem ye ido ŋkeŋ-idem mme Jew; ŋkpɔ nte gallon mmɔŋ edip esine ke abaŋ kiet.

JOHN 5:1

KE ŋkpɔ emi ema ekebe, usɔrɔ mme Jew edidu; ndien Jesus ɔdɔk aka Jerusalem.

JOHN 6:4

Ekpere Passover, usɔrɔ mme Jew.

UTOM MME APOSTLE 21:24

dian idem ye mmɔ, nyuŋ tiene mmɔ nam idem fo asana, nyuŋ nɔ okuk ke ibuot mmɔ, man mmɔ ekeme ndikporo idet mmɔ. Ntem ke kpukpru owo eyefiɔk ete, se etiŋde ebaŋa fi idige akpanikɔ, edi ete afo ke idem fo ototim asaŋa onyuŋ onim ibet.

UTOM MME APOSTLE 21:26

Ntem Paul adian idem ye mbon oro; ndien ke ndaŋ-nsiere enye etiene mmɔ anam idem esie asana, onyuŋ oduk ke temple, akasian ete imɔ iyenim mme usen erinam idem asana, tutu ewa uwa ke ibuot kpukpru mme imɔ kiet kiet.

UTOM MME APOSTLE 24:18

Ke ufɔt utom oro mmɔ ekut mi ke temple, nte owo eke ama akanam idem asana; nsaŋake ye otu, nnyuŋ nsaŋake ke ndutime. Edi ndusuk mme Jew emi etode Asia etibi afanikɔŋ emi;

1 ŊWED CORINTH 11:28

Edi yak owo odomo idem esie ɔfiɔk, onyuŋ adia uyo, onyuŋ ɔŋwɔŋ cup ntre;

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

1 SAMUEL 16:5

Ndien enye ɔbɔrɔ ete, Ke ufan: ndi uwa emem ndiwa nnɔ Jehovah: mbufo enam idem-mbufo esana, enyuŋ etiene mi edi uwa. Enye onyuŋ anam Jesse ye nditɔ-iren esie esana, onyuŋ okot mmɔ edi uwa.