JOHN 11:51 - Edisana ñwed Abasi Ibom

⁵¹ Ikɔ emi itoho idem esie: edi, sia enye edide akwa oku isua oro, enye etiŋ nte prophet, ete Jesus eyekpa kabaŋa ufɔn obio oro;

JOHN 11:51 ပူးပေါင်းရင်းမြစ်များ

EXODUS 28:30

Ndien da Urim ye Thummim sin ke mbana-ikpanesit-ikpe; ndien mmɔ eyedoro Aaron ke esit, ke ini enye odukde ke iso Jehovah, ndien Aaron edibiom ikpe nditɔ Israel ke esit esie ke iso Jehovah kpukpru ini.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

NUMBERS 22:28

Ndien Jehovah atat ass oro inua, ndien enye (ass) ɔdɔhɔ Balaam, ete, nkanam fi Nso ŋkpɔ eke esinde fi oyibi mi utim ikata emi?

NUMBERS 24:2

Ndien Balaam emenere enyin esiemɔ okut Israel etiede ke ataya ke ubon, ke ubon: ndien spirit Abasi oduk enye ke idem.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 11:49

Edi owo kiet ke otu mmɔ, kpa Caiaphas, emi edide akwa oku isua oro, ɔdɔhɔ mmɔ ete, Mbufo ifiɔkke ŋkpɔ baba esisit,

JOHN 18:13

eda Enye ebem iso eka ke ɔtɔ Annas; koro enye edi ete ŋwan Caiaphas, emi edide akwa oku ke isua oro.

1 ŊWED CORINTH 13:2

Ŋkponyuŋ nnyene ukeme ndisiak uduak Abasi, ndinyuŋ mfiɔk kpukpru ndibe-ndibe ŋkpɔ ye kpukpru ifiɔk; ŋkponyuŋ nnyene ɔyɔhɔ mbuɔtidem, tutu ŋkeme ndimen ikpɔ obot ke itie nduɔk, ndien nnyeneke ima, ndige baba ŋkpɔ kiet.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

1 SAMUEL 23:9

Ekem David edifiɔk ete ke Saul ɔmɔŋ aduak imɔ idiɔk-ŋkpɔ ndinam: ndien enye ɔdɔhɔ Abiathar oku, ete, Da ephod di.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.