JOHN 11:44 - Edisana ñwed Abasi Ibom

⁴⁴ Akpa-mkpa ɔwɔrɔ edi, nte ekada ɔfɔŋ-udi ebɔp enye ubɔk ye ukot; enyuŋ eda ubak ɔfɔŋ ebɔp enye iso. Jesus ete mmɔ, Etat enye, eyak enye ɔnyɔŋ ufɔk.

JOHN 11:44 ပူးပေါင်းရင်းမြစ်များ

GENESIS 1:3

Ekem Abasi ɔdɔhɔ ete, Yak uŋwana odu: ndien uŋwana odu.

ŊWED MME PSALM 33:9

Koro edi enye ɔkɔdɔhɔ, ndien ɔwɔrɔ: edi enye okowuk, ndien ada.

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

MARK 5:43

Idaha oro akamba mkpa-idem omum mmɔ. Edi Jesus ɔsɔŋɔ owuk mmɔ ete, ekuyak baba owo kiet ɔfiɔk ŋkpɔ emi; Enye onyuŋ ɔdɔhɔ mmɔ ete, Enɔ eyen ŋkpɔ adia.

LUKE 19:20

Owo eŋwen edi edidɔhɔ ete, Ɔbɔŋ, sese, okuk fo mi, emi ŋkɔbɔpde ke ɔfɔŋ nnim:

LUKE 7:15

Ndien akpa-mkpa adaha etie, ɔtɔŋɔ nditiŋ ikɔ.

JOHN 10:30

Ami ye Ete Mi idi kiet.

JOHN 11:39

Jesus ɔnɔ uyo ete, Ekpat itiat esio. Martha, eyen-eka akpa-mkpa, ete Jesus, Ɔbɔŋ, ke emi okpo ke etebe, koro enye akakpa osim usen inaŋ.

JOHN 11:43

Ndien ke Enye ama ɔkɔdɔhɔ ntem, Enye ofiori ke ɔkpɔsɔŋ uyo, ete, Lazarus, wɔrɔ di.

JOHN 19:40

Ntre ke mmɔ emen okpo Jesus, enyuŋ eda ɔfɔŋ linen ye ufuɔŋkpɔ kesit ewaŋ enye, nte ido ubuk-owo mme Jew edide.

JOHN 20:5

onyuŋ ɔnuhɔ ese, okut ɔfɔŋ linen nte anade do; edi enye idukke.

JOHN 20:7

enye onyuŋ okut ɔfɔŋ linen nte anade do ye ɔfɔŋ emi ekadade ebɔp Enye ibuot, nte minaŋa ye ɔfɔŋ linen, edi ema efut enye enim ke ɔtɔ kiet ke idem esie.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

1 SAMUEL 2:6

Jehovah owot, onyuŋ onim ke uwem: enye anam ɔsuhɔre ke udi, onyuŋ anam eset.