JOHN 11:4 - Edisana ñwed Abasi Ibom

⁴ Edi ke ini Jesus okopde, Enye ete, Udɔŋɔ emi idige udɔŋɔ mkpa, edi odu kabaŋa ubɔŋ Abasi, man oto do enɔ Eyen Abasi ubɔŋ.

JOHN 11:4 ပူးပေါင်းရင်းမြစ်များ

EXODUS 16:7

ndien ke usenubɔk, mbufo eyekut ubɔŋ Jehovah; koro enye okopde uyo emi mbufo esukde Jehovah; ndien nnyin idi mme anie, eke mbufo esukde nnyin uyo?

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 11:40

Jesus ete enye, Nte ŋkɔdɔhɔke fi nte, edieke onimde ke akpanikɔ, eyekut ubɔŋ Abasi?

JOHN 12:28

Ndɔhɔ nte, Ete, nɔ enyiŋ Fo ubɔŋ. Ntre ke uyo oto ke enyɔŋ ete, Mma ŋkɔnɔ enyiŋ Mi ubɔŋ, nyenyuŋ ntɔŋɔ ntak nnɔ enye ubɔŋ.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;

JOHN 17:10

ndien kpukpru se idide Okim edi Okuo, se idide Okuo onyuŋ edi Okim: mmonyuŋ nnyene ubɔŋ ke mmɔ.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 2:11

Jesus akanam akpa idiɔŋɔ emi ke Cana ke Galilee, ayarare ubɔŋ Esie; mbet Esie enyuŋ ebuɔt idem ye Enye.

JOHN 5:23

man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.

JOHN 8:54

Jesus ɔbɔrɔ ete, Edieke Ami ŋkpadade ubɔŋ nnɔ Idem Mi, ubɔŋ Mi idige baba ŋkpɔ kiet. Edi Enye emi mbufo edɔhɔde ete, Enye edi Abasi mme imɔ;

JOHN 9:24

Ntre ke mme Jew etɔŋɔ ntak ekot owo oro ekedide nnan, ete enye, Men ubɔŋ nɔ Abasi; nnyin imɔfiɔk ite owo emi edi anam-idiɔk.

JOHN 9:3

Jesus ɔbɔrɔ ete, Idige owo emi anam idiɔk-ŋkpɔ, inyuŋ idige ete ye eka esie enam; edi enye amana ntem, man utom Abasi akpayarare enye ke idem.

ŊWED MBON ROME 11:11

Mmɔdɔhɔ ndien nte, Nte mmɔ oro ekatuak ukot man mmɔ eduɔŋɔ? Idige ntre. Edi oto ke ndudue mmɔ erinyaŋa okosim mme Gentile, man anam mmɔ efibe ufup.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON PHILIPPI 1:20

koro mmenyene mbuɔtidem ye idori-enyin nte, but idinamke mi ke baba ŋkpɔ kiet, edi ye ofuri uko, nte kpukpru ini, kpasuk ntre ke emi, Christ eyenyene ukpono ke idem mi, ekpedi ke uwem ekpedi ke mkpa.

1 PETER 1:21

Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

1 PETER 4:14

Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.