JOHN 11:25 - Edisana ñwed Abasi Ibom

²⁵ Jesus ɔdɔhɔ enye ete, Ami ndi eriset ye uwem: owo eke ɔbuɔtde idem ye Ami, okposuk edi nte enye ama akpa, enye eyedu uwem:

JOHN 11:25 ပူးပေါင်းရင်းမြစ်များ

ŊWED MME PSALM 36:9

Koro obube mmɔŋ uwem odude ye afo: nnyin iyekut uŋwana ke uŋwana fo.

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

ISAIAH 38:16

O Ɔbɔŋ, owo eda mme mmɔ emi edu uwem, ndien ofuri uwem spirit mi odu mmɔ ke esit: afo eyenyuŋ edemere mi, onyuŋ onim mi ke uwem.

LUKE 23:43

Ndien Jesus ɔbɔrɔ enye ete, Ke akpanikɔ ke ndɔhɔ fi, mfin emi afo eyedu ye Ami ke Paradise.

JOHN 1:4

Uwem odu Enye ke idem; uwem oro onyuŋ edi uŋwana owo.

JOHN 14:19

Osuk esisit, ndien ererimbot idikwe Mi aba; edi mbufo ke ekut Mi: sia Ami ndude uwem, mbufo eyedu uwem ŋko.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 5:21

Koro nte Ete anamde mme akpa-mkpa eset ɔnɔ mmɔ uwem, kpa ntre ke Eyen anam owo eke Enye amade odu uwem.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

JOHN 6:44

Baba owo kiet ikemeke nditiene Mi, ibɔhɔke Ete emi ɔkɔdɔŋde Mi, odudi enye edi: ndien nyenam enye eset ke akpatre usen.

UTOM MME APOSTLE 3:15

edi Abasi amanam Enye eset ke mkpa; emi nnyin idide mme ntiense.

ŊWED MBON ROME 4:17

emi edide ete nnyin kpukpru (nte ewetde ete, Mmanam fi edi ete ediwak mme idut) ke enyin Esie emi enye ɔbuɔtde idem ye Enye, kpa Abasi, emi anamde mme akpa-mkpa edu uwem, onyuŋ okotde se miduhe nte ŋkpɔ eke edude.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 15:18

Ŋko-ŋko, mmɔ emi ekedede idap ke Christ ema etak.

1 ŊWED CORINTH 15:29

Edieke ŋkpɔ mibonoke ntem, mmɔ emi enade bpatism ebaŋa mme akpa-mkpa edinam nso? Edieke minamke nam mme akpa-mkpa eset, nsidi ndien ntak emi mmɔ enade baptism ebaŋa mmɔ oro?

2 ŊWED CORINTH 4:14

ke ifiɔkde ite Enye, emi akanamde Ɔbɔŋ Jesus eset ke mkpa, eyenam nnyin nde iset ye Jesus, eyenyuŋ ada nnyin ye mbufo onim ke iso Esie.

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

ŊWED MBON PHILIPPI 3:10

Man ŋkpɔfiɔk Enye ye odudu eriset Esie ke udi, ye nsaŋa ke ndutuhɔ Esie, nnyuŋ ŋkabare ŋkpa mkpa eke ebietde mkpa Esie;

1 ŊWED THESSALONICA 4:14

Koro edieke nnyin inimde ke akpanikɔ ite Jesus ama akpa onyuŋ ɔtɔŋɔ ntak eset, imonim kpa ntre ite, Abasi eyeda mmɔ emi edede ke Jesus edi.

ERIYARARE 1:18

Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

ERIYARARE 20:5

Mme akpa-mkpa eken etre ndidu uwem tutu tɔsin isua oro ebe. Emi edi akpa eriset ke mkpa.

ERIYARARE 21:4

Enye eyekwɔhɔre kpukpru mmɔŋeyet ke enyin mmɔ efep. Mkpa idinyuŋ iduhe aba; eseme ye ntuaŋa ye ubiak idinyuŋ iduhe aba; koro ebe-iso ŋkpɔ ema ebe efep.

ERIYARARE 22:1

EKEM angel owut mi akpa mmɔŋ uwem, emi asakde nte crystal, emi otode ke ebekpo Abasi ye eke Eyen-erɔŋ, asaŋa ebe ke ufɔt efak obio.

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.