JOHN 11:24 - Edisana ñwed Abasi Ibom

²⁴ Martha ete Enye, Mmɔfiɔk nte enye eyeset ke eriset ke mkpa ke akpatre usen.

JOHN 11:24 ပူးပေါင်းရင်းမြစ်များ

ŊWED MME PSALM 17:15

Ami nyese iso fo ke eti ido; mbiet fo eyeyuhɔ mi ke ini ndemerede.

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

LUKE 14:14

ndien eyefɔn ye afo: koro mmɔ minyeneke se edidade esio fi usiene: edi eyenɔ fi usiene ke ini eriset nti owo.

JOHN 11:23

Jesus ete enye, Eyen-eka fo eyeset ke mkpa.

JOHN 6:39

Ndien emi edi uduak Andidɔŋ Mi, ete, Ke otu kpukpru mmɔ eke Enye ɔkɔnɔde Mi, ŋkuyak ndomo kiet ɔbɔhɔ osop, edi nnam ofuri eset ke akpatre usen.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

UTOM MME APOSTLE 24:15

Mmonyuŋ ndori enyin ke Abasi, kpa nte mmɔ nde edoride, nte, nti owo ye mme idiɔk owo eyeset ke mkpa.

MME HEBREW 11:35

Iban ebɔ mme akpa-mkpa ke eriset ke mkpa; mmɔ eken ekut ndutuhɔ, inyuŋ inyimeke ndibɔhɔ, man mmɔ ekpenyene eriset ke mkpa eke ɔfɔnde akan.