JOHN 10:5 - Edisana ñwed Abasi Ibom

⁵ Edi mmɔ iditieneke esen owo, edi eyefeŋe ekpɔŋ enye: koro mmɔ midiɔŋɔke uyo isen owo.

JOHN 10:5 ပူးပေါင်းရင်းမြစ်များ

1 NDIDEM 22:7

Ndien Jehoshaphat ɔdɔhɔ ete, Nte prophet Jehovah eke nnyin ikpebupde enye, iduhe aba mi?

MME ŊKE 19:27

Eyen mi, tre ndikop item, ete ɔkpɔŋ ikɔ ifiɔk ediyo.

MARK 4:24

Enye onyuŋ ɔdɔhɔ mmɔ ete, Etiŋ enyin ekpeme se mbufo ekopde. Udomo eke mbufo edade edomo enɔ owo, ke eyeda edomo enɔ mbufo, eyenyuŋ ekɔrɔ enɔ mbufo.

LUKE 8:18

Etiŋ enyin ekpeme ndien adaŋa nte mbufo ekopde: koro owo ekededi eke enyenede, eyenɔ enye edian; edi owo ekededi eke minyeneke, eyebɔ enye kpa se enye esede ete imɔ inyene.

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 10:4

Ke enye ama okosioŋo kpukpru mme erɔŋ esiemɔ, enye ebem mmɔ iso, merɔŋ enyuŋ etiene enye, koro mmɔ ediɔŋɔde uyo esie.

2 ŊWED TIMOTHY 4:3

Koro ini ɔmɔŋ edi eke mme owo midibɔhɔ eti ukpep-ŋkpɔ; ndien sia utɔŋ edebede mmɔ ndikop isio ikɔ, mmɔ eyekɔ mme andikpep enɔ idem nte ekemde ye mme idiɔk udɔŋ mmɔ,

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.

1 JOHN 2:21

Ŋwetke nnɔ mbufo koro mbufo mifiɔkke akpanikɔ, edi koro mbufo efiɔkde akpanikɔ, enyuŋ ekutde ete, nsu baba kiet isaŋake ŋkpɔ ye akpanikɔ.

ERIYARARE 2:2

Mmɔfiɔk mme utom fo, ye ɔkpɔsɔŋ eŋwan, ye ime fo; mmonyuŋ mfiɔk nte ukemeke ndibiom mme idiɔk owo, okonyuŋ odomo mmɔ emi ekotde idem mme apostle, ndien midige, okonyuŋ ayarare ɔfiɔk ete mmɔ edi mme osu-nsu;