JOHN 10:3 - Edisana ñwed Abasi Ibom

³ Etie-usuŋ eberere usuŋ ɔnɔ enye; mme erɔŋ enyuŋ ekop uyo esie: ndien enye okot mme erɔŋ esiemɔ ke enyin ke enyiŋ, onyuŋ ada mmɔ ɔwɔrɔ.

JOHN 10:3 ပူးပေါင်းရင်းမြစ်များ

ŊWED MME PSALM 80:1

O ANDIBƆK Israel, emi adade Joseph usuŋ nte otu ufene, kpaŋ utɔŋ; emi etiede ke otu mme cherubim, yama.

EXODUS 33:17

Ndien Jehovah ete Moses, Nyenam idem ŋkpɔ emi afo ɔdɔhɔde: koro nnende iso ye afo, mmonyuŋ mfiɔk enyiŋ fo.

MME ŊKE 27:23

Diɔŋ se ŋkpri ufene fo iso: nim ibuot ke mme enaŋ fo:

IKWƆ SOLOMON 8:13

O ŋwan emi oduŋde ndiye iŋwaŋ, mme nsaŋa ke ekpaŋ utɔŋ ke uyo fo: yak ŋkop enye.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

JOHN 10:14

Ami ndi eti ekpeme-erɔŋ; mmɔfiɔk se inyenede Mi, se inyenede Mi onyuŋ ɔfiɔk Mi kpa nte Ete ɔfiɔkde Mi,

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 10:4

Ke enye ama okosioŋo kpukpru mme erɔŋ esiemɔ, enye ebem mmɔ iso, merɔŋ enyuŋ etiene enye, koro mmɔ ediɔŋɔde uyo esie.

JOHN 10:9

Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

JOHN 6:45

Ema ewet ke mme prophet ete, Abasi eyekpep mmɔ kpukpru ŋkpɔ; kpukpru owo eke ekopde uyo Ete enyuŋ ebɔde ukpep-ŋkpɔ etiene Mi.

ŊWED MBON ROME 8:30

ndien mmɔ emi Enye ekebemde iso onim ntem, ke Enye onyuŋ okot mmɔ; mmɔ emi Enye okotde, ke Enye etebe mmɔ ikpe; ndien mmɔ emi Enye etebede mmɔ ikpe, ke Enye onyuŋ ɔnɔ mmɔ ubɔŋ.

1 ŊWED CORINTH 16:9

koro ema eberere usuŋ akamba enɔ mi ndinam akwa utom do, mmɔ eke eŋwanade ye ami enyuŋ ewak.

ŊWED MBON PHILIPPI 4:3

Mmonyuŋ nsɔŋɔ mbeŋe fi, ata nsaŋa-utom mi, nte aŋwam iban oro, koro mmɔ ekesaŋade ye ami eŋwana eŋwan ebaŋa gospel, enyuŋ ediana ye Clement nde, ye mme nsaŋa-utom mi eken, emi enyiŋ mmɔ edude ke ŋwed uwem.

ŊWED MBON COLOSSAE 4:3

Ebɔŋ akam ebaŋa nnyin ŋko, man Abasi eberere usuŋ ɔnɔ nnyin ikwɔrɔ ikɔ Esie, itiŋ ndibe-ŋkpɔ Christ,

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

1 JOHN 4:6

Nnyin idi nditɔ Abasi; owo eke ɔfiɔkde Abasi ɔbiɔŋ utɔŋ okop ikɔ nnyin; edi owo eke midige owo Abasi ikopke ikɔ nnyin. Nnyin ida emi ifiɔk spirit akpanikɔ ye spirit ndudue.

3 JOHN 1:14

Mmodori enyin nte nyekut fi ibigike bigi, ndien nnyin inyeneme ŋkpɔ iso ye iso.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 3:20

Sese, ndada ke usuŋ ntuak; edieke owo okopde uyo Mi onyuŋ osiode usuŋ, nyeduk ntiene enye, ndia ŋkpɔ ye enye, enye onyuŋ adia ŋkpɔ ye Ami.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.