JOHN 10:18 - Edisana ñwed Abasi Ibom

¹⁸ Owo baba kiet ibɔhɔ Mi uwem, edi Ami ke Idem Mi nyak uwem Mi nduɔk. Mmenyene odudu ndiyak uwem Mi nduɔk, mmonyuŋ nnyene odudu nditɔŋɔ ntak mbɔ uwem mi nda. Ŋkɔbɔ item emi ke ubɔk Ete Mi.

JOHN 10:18 ပူးပေါင်းရင်းမြစ်များ

JOHN 10:11

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 10:17

Emi esin Ete ama Mi, koro Ami nyakde uwem Mi nduɔk, man ŋkpɔtɔŋɔ ntak mbɔ nda.

JOHN 14:31

edi man ererimbot efiɔk ete mmama Ete, ndien nte Ete ɔkɔnɔde Mi item, kpa ntre ke nnam. Edaha ke enyɔŋ, edi iwɔŋɔ.

JOHN 15:10

Edieke mbufo enimde mbet Mi, mbufo eyeduŋ ke ima Mi; kpa nte ami ŋkonimde mbet Ete Mi, nnyuŋ nduŋde ke ima Esie.

JOHN 19:11

Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

JOHN 5:30

Ami ŋkemeke ndinam baba ŋkpɔ kiet ke Idem Mi: adaŋa nte ŋkopde ke mbiere ikpe; ndien ubiere-ikpe Mi edi edinen; koro mbineke uduak idem Mi, edi mbine uduak Andidɔŋ Mi.

JOHN 6:38

Koro nto ke heaven nsuhɔre ndi, idige man nnam uduak Idem Mi, edi man nnam uduak Andidɔŋ Mi.

UTOM MME APOSTLE 2:24

Edi Abasi amatat ubiak mkpa anam Enye eset: koro mkpa mikemeke ndimum Enye ŋkama.

UTOM MME APOSTLE 2:32

Abasi akanam Jesus emi eset ke mkpa, nte nnyin kpukpru idide mme ntiense.

UTOM MME APOSTLE 3:15

edi Abasi amanam Enye eset ke mkpa; emi nnyin idide mme ntiense.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 2:9

Edi nnyin ikut Enye, emi ekenamde Enye ekpri akan mme angel ke ini esisit kaŋa man Enye akpa mkpa, kpa Jesus, nte ayarade ubɔŋ ye ukpono man ke mfɔn Abasi Enye akpatabi mkpa ke ibuot kpukpru owo.