JOHN 10:1 - Edisana ñwed Abasi Ibom

¹ KE akpanikɔ ke ndɔhɔ mbufo, Owo eke misaŋake ibe inua-otop iduk ke ufɔk-erɔŋ, edi ɔdɔkde ke usuŋ efen oduk, owo oro edi inɔ ye owo ŋwo.

JOHN 10:1 ပူးပေါင်းရင်းမြစ်များ

JEREMIAH 14:15

Mmɔdo ntem ke Jehovah ɔdɔhɔ abaŋa mme prophet emi etiŋde prophecy ke enyiŋ mi, ndien ami ndɔŋke mmɔ utom, mmɔ enyuŋ edɔhɔ ete, ke baba ofut ye akaŋ ididuhe ke isɔŋ emi; mme prophet oro eyetak ke ofut ye ke akaŋ.

JEREMIAH 23:21

Ami ŋkɔdɔŋke mme prophet oro utom, ndien mmɔ efeŋe, ŋkɔdɔhɔke ye mmɔ, ndien mmɔ etiŋ prophecy.

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

JOEL 2:9

Mmɔ eyɔrɔ ke obio; efeŋe ke enyɔŋ ibibene; edɔk ke ufɔk; eduk ke window nte inɔ.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

JOHN 10:7

Mmɔdo Jesus ɔtɔŋɔ ntak ɔdɔhɔ mmɔ ete, ke akpanikɔ ke ndɔhɔ mbufo, Ami ndi inua-otop erɔŋ.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

ŊWED MBON ROME 10:15

Mmɔ edinyuŋ enam didie ekwɔrɔ, ke mibɔhɔke edɔdɔŋ mmɔ? kpa nte ewetde ete, Ikpat mmɔ emi edade etop nti ŋkpɔ eye adaŋa didie!

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

MME HEBREW 5:4

Ndien baba owo kiet idaha itie-ukpono emi inɔ idem esie, edi ada, ke adaŋemi Abasi okotde enye, kpa nte okokotde Aaron.

1 PETER 1:10

Edi erinyaŋa emi ke mme prophet ema etim eyom enyuŋ eduŋɔre, kpa mme prophet emi eketiŋde ebaŋa ufɔn eke edinɔde mbufo;

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.