JOHN 1:6 - Edisana ñwed Abasi Ibom

⁶ Owo kiet okoto edi; Abasi osio enye ɔdɔŋ; enyiŋ esie ekere John.

JOHN 1:6 ပူးပေါင်းရင်းမြစ်များ

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MATTHEW 11:10

Emi edi enye emi ewetde ebaŋa enye ete, Sese, mmɔdɔŋ isuŋ Mi ebem fi iso, Emi edidiɔŋde usuŋ inim inɔ Fi.

MATTHEW 21:25

Baptism John okoto mmɔŋ? me oto heaven, me oto owo? Edi mmɔ eneni ke otu idem mmɔ, ete, Nnyin ima idɔhɔ ite, Oto heaven, Enye eyedɔhɔ nnyin ete, Nsinam mbufo mikonimke enye ke akpanikɔ ndien?

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 1:76

Edi afo, eyen mi, eyekere prophet Andikoŋ-ŋkan: Koro afo eyebem Ɔbɔŋ iso ndidiɔŋ usuŋ Esie;

JOHN 1:33

Ndien ŋkɔdiɔŋɔke Enye; edi Enye emi ɔkɔdɔŋde mi ete nda mmɔŋ nnim baptism ɔdɔhɔ mi ete, Owo eke edikutde nte Spirit ɔsuhɔrede odoro Enye ke idem edi Enye emi onimde owo baptism ke Edisana Spirit.

JOHN 3:28

Mbufo ke idem mbufo edi ntiense enɔ mi, ete, mmɔdɔhɔ nte, ami ndige Christ, edi edɔŋ mi mbem Enye iso.

UTOM MME APOSTLE 13:24

ke John ama ekebem eridi Esie iso ɔkwɔrɔ baptism erikabare esit ɔnɔ kpukpru mbio Israel.