JOHN 1:45 - Edisana ñwed Abasi Ibom

⁴⁵ Philip okut Nathanael, onyuŋ ɔdɔhɔ enye ete, Nnyin imokut Enye, emi Moses ekewetde abaŋa Enye ke ibet, mme prophet ekonyuŋ ewetde ebaŋa, kpa Jesus eyen Joseph, emi otode ke Nazareth.

JOHN 1:45 ပူးပေါင်းရင်းမြစ်များ

GENESIS 22:18

kpukpru mme idut ke ererimbot eyenyuŋ ekut mfɔn eke otode ke ubon fo, koro afo ama okokop uyo mi.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 53:2

Ndien enye okotibe nte nsehe ke iso esie, ye nte oruŋ eke otode edisat isɔŋ: enye inyeneke ubɔŋ, inyuŋ inyeneke uyai; ndien nnyin ise enye, edi inyeneke ŋwut-idem eke nnyin ikoyomde enye.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

ZECHARIAH 6:12

nyuŋ dɔhɔ enye, ete, Ntem ke Jehovah mme udim ɔdɔhɔ, ete, Sese, owo emi Nsekhe edide enyiŋ esie; ndien enye eyesehe ke ɔtɔ esie, onyuŋ ɔbɔp temple Jehovah;

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

MATTHEW 10:3

Philip ye Bartholomew; Thomas ye Matthew emi edide publican; James eyen Alphaeus ye Thaddaues;

MATTHEW 13:55

Nte Enye idige eyen anam-usɔ? Nte eka Esie ikereke Mary? nte nditɔ-eka Esie inyuŋ ikereke James, ye Joseph, ye Simon, ye Judas? nte kpukpru nditɔ-eka Esie iban inyuŋ iduhe ye nnyin?

MATTHEW 2:23

enye adaha aka ke isɔŋ Galilee okoduŋ ke obio emi ekerede Nazareth: man osu nte mme prophet ekedɔhɔde ete, Enye edikere Nazarene.

MATTHEW 21:11

Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

MARK 14:67

ndien ke ini enye okutde Peter nte ewebede ikaŋ, owuk enyin ese enye, ete, Afo nde okodu ye owo Nazareth emi, kpa Jesus.

MARK 6:3

Nte Enye idige anamusɔ, eyen Mary, ye eyen-eka James ye Joses ye Judas ye Simon? Nte nditɔ-eka Esie iban inyuŋ iduhe ye nnyin? Ndien mmɔ eduɔ ke ntak Esie.

LUKE 18:37

Edɔhɔ enye ete, Jesus eyen Nazareth ke ebebe.

LUKE 2:4

Joseph ŋko oto ke obio Nazareth, ke Galilee, ɔdɔk aka ke Judaea, ke obio David emi ekerede Bethlehem, koro enye edide owo ufɔk ye oruk David, ndisin enyiŋ esie ke ŋwed;

LUKE 2:48

Ndien ke ini ete ye eka ekutde Enye, idem akpa mmɔ eti-eti: eka Esie onyuŋ ɔdɔhɔ Enye ete, Eyen mi, nsinam anamde ntem ye nnyin? Sese, usɔ ye ami imasaŋa iyom Fi ye mfuhɔ.

LUKE 24:27

Ndien Enye ɔtɔŋɔ ke Moses ye kpukpru mme prophet asian se eketiŋde ebaŋa Enye ke Idem Esie ke ofuri Ŋwed Abasi ɔnɔ mmɔ.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

LUKE 3:23

Ndien Jesus ke Idem Esie edi ŋkpɔ nte isua edip ye duop ke ini ɔtɔŋɔde ndikpep owo ŋkpɔ; owo enyuŋ ese ete, Enye edi eyen Joseph, eyen Heli,

LUKE 4:22

Kpukpru mmɔ enyuŋ edi ntiense enɔ Enye, enyuŋ edu ke mkpa-idem ndikop ikɔ mfɔn eke ewɔŋɔde Enye ke inua: mmɔ nyuŋ edɔhɔ ete, Nte Enye emi idige eyen Joseph?

JOHN 1:44

Philip oto ke Bethsaida, obio Andrew ye Peter.

JOHN 12:21

mmɔ etiene Philip, emi otode ke Bethsaida ke Galilee, ekebup enye ete, Ɔbɔŋ owo, nnyin iyom ndikut Jesus.

JOHN 14:8

Philip ete Enye, Ɔbɔŋ, wut nnyin Ete, ndien oro eyesuk nnyin esit.

JOHN 18:5

Mmɔ ebɔrɔ enye ete, Iyom Jesus-a-Nazareth. Jesus ete mmɔ, Ami ndi Enye. Judas ŋko, emi adade Enye ɔnɔ, mɔdo, ada ye mmɔ.

JOHN 18:7

Ntre ke Jesus ɔtɔŋɔ ntak obup mmɔ ete, Mbufo eyom anie?

JOHN 19:19

Ndien Pilate ewet enyiŋ emi edoride Enye akadian ke cross. Ndien ewet ete, JESUS-A-NAZARETH, EDIDEM MME JEW.

JOHN 21:2

Simon Peter, ye Thomas emi ekotde Didymus, ye Nathanael eyen Cana obio Galilee, ye nditɔ Zebedee, ye mbet Esie iba efen, ekedu ɔtɔ kiet.

JOHN 6:42

Nte emi idige Jesus, eyen Joseph, emi nnyin idiɔŋɔde ete ye eka Esie? Enye anam didie ɔdɔhɔ ndien ete,

JOHN 6:5

Ke adaŋemi Jesus emenrede enyin okut nte ata ediwak owo etienede Enye, Enye obup Philip ete, Ididep uyo mmɔŋ, man memmɔ emi edia ŋkpɔ?

JOHN 6:7

Philip ɔbɔrɔ Enye ete, Uyo eke akpade okuk ikie iba ikemke kpukpru mmɔ ndidia nsit-nsit.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

UTOM MME APOSTLE 22:8

Edi mbɔrɔ nte, Afo edi anie, Ɔbɔŋ? Ndien Enye ete mi, Ndi Jesus eyen Nazareth, emi afo ɔkɔbɔde.

UTOM MME APOSTLE 26:9

Ke akpanikɔ ami ŋkekere ke idem mi nte ŋkpanam ediwak ŋkpɔ ŋwana ye enyiŋ Jesus eyen Nazareth.

UTOM MME APOSTLE 3:6

Edi Peter ɔdɔhɔ ete, Nnyeneke silver ye gold; edi se nnyenede ke nnɔ fi oro. Ke enyiŋ Jesus Christ emi otode ke Nazareth, daha, saŋa.