JOHN 1:29 - Edisana ñwed Abasi Ibom

²⁹ Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 1:29 ပူးပေါင်းရင်းမြစ်များ

EXODUS 28:38

Yak enye onyuŋ ana Aaron ke ɔkpɔ-iso, man Aaron obiom isop edisana ŋkpɔ, emi nditɔ Israel edinimde ke edisana, ye eke kpukpru edisana enɔ mmɔ; ntem ke ana enye ke ɔkpɔ-iso kpukpru ini, man mmɔ enem Jehovah esit.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

ISAIAH 53:7

Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

LEVITICUS 10:17

Enam didie mbufo mitaha uwa idiɔk ido ke edisana ebiet: koro enye edide ata edisana? Enye (Abasi) ama onyuŋ ada enye ɔnɔ mbufo ete, Mbufo ebiom idiɔk ido ofuri esop, man esio isop enɔ mmɔ ke iso Jehovah.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

NUMBERS 18:1

EKEM Jehovah ɔdɔhɔ Aaron, ete, afo ye nditɔ iren fo, ye ufɔk usɔ ŋko, ebiom ukwaŋ-ŋkpɔ edisana ebiet: afo ye nditɔ-iren fo enyuŋ ebiom ukwaŋ-ŋkpɔ itie oku mbufo.

NUMBERS 18:23

Edi mme Levite edinam utom efe esop, mmɔ edinyuŋ esio isop mmɔ: emi edi nsinsi ewuhɔ ke ofuri emana mbufo; ndien mmɔ idinyeneke udeme ke otu nditɔ Israel.

NUMBERS 21:9

Ndien Moses ada okpoho anam urukikɔt, emen ɔkɔŋ ke enyɔŋ anyan eto, ndien ekem, ke adaŋoro urukikɔt odomde owo, ndien enye ese urukikɔt okpoho oro, enye odu uwem.

NUMBERS 7:27

Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

NUMBERS 7:39

Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

MATTHEW 1:21

Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

JOHN 1:35

Ke edem usen ŋko John ada ye mbet esie iba, onyuŋ owuk enyin ese Jesus nte Enye asaŋade,

JOHN 1:36

onyuŋ ɔdɔhɔ ete, Sese, Eyen-erɔŋ Abasi!

JOHN 1:43

Ke ndaŋ-nsiere Jesus aduak ndidaha ŋka Galilee; ndien Enye okut Philip, onyuŋ ɔdɔhɔ enye ete, Tiene Mi.

JOHN 2:1

EKEM ke ɔyɔhɔ usen ita edɔ ndɔ ke Cana ke Galilee;

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 4:42

ndien mmɔ edɔhɔ ŋwan oro ete, Ke emi nnyin imonim ke akpanikɔ, idige koro afo eketiŋde, edi koro nnyin ima ikokop ke idem nnyin, inyuŋ ifiɔk ite, Owo emi edi Andinyaŋa ererimbot ke akpanikɔ.

JOHN 6:51

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

UTOM MME APOSTLE 13:39

ndien edi Enye anam kpukpru mmɔ emi enimde ke akpanikɔ enyene utebe-ikpe ke kpukpru ŋkpɔ eke ibet Moses mikemeke nditebe owo ikpe.

UTOM MME APOSTLE 8:32

Itie emi enye okotde ke ŋwed Abasi edi emi, Eda enye nte eyen erɔŋ eka ndiwot; Ndien kpa nte eyen-erɔŋ misioroke uyo ke iso andifat enye idet, Kpa ntre enye inyuŋ itatke inua esie:

1 ŊWED CORINTH 15:3

Koro mma mmen se ŋkɔbɔde nyak nnɔ mbufo ke akpaitie, nte, Christ ama akpa abaŋa mme idiɔk-ŋkpɔ nnyin, nte asaŋade ekekem ye se ŋwed Abasi ɔdɔhɔde; enyuŋ ebuk Enye;

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

1ŊWED TIMOTHY 2:6

emi ɔkɔnɔde Idem Esie, ete idi ufak kpukpru owo. Ekɔnɔ mbuk ebaŋa ŋkpɔ emi ke edikem ini;

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 2:17

Mmɔdo odotde nte enam Enye ebiet nditɔ-ete Esie kpukpru ŋkpɔ, man Enye ekpedi Akwa Oku emi atuade owo mbɔm, onyuŋ anamde akpanikɔ ke ŋkpɔ eke abaŋade Abasi, okponyuŋ osio isop abaŋa mme idiɔk-ŋkpɔ mbio-mbio.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

1 JOHN 3:5

Ndien mbufo efiɔk ete ekesio Enye enim, man emen mme idiɔk-ŋkpɔ efep; ndien idiɔk-ŋkpɔ iduhe Enye ke idem.

1 JOHN 4:10

Ima odu ke oruk usuŋ emi, itoho ke emi nnyin ikamade Abasi, edi oto ke Abasi emi akamade nnyin, onyuŋ osiode Eyen Esie ɔdɔŋ, ete, edidi usio-isop mme idiɔk-ŋkpɔ nnyin.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.

ERIYARARE 13:8

Ndien kpukpru mme andiduŋ ke isɔŋ eyetuak ibuot enɔ enye, kpa kpukpru owo emi mikewetke enyiŋ esie isin ke ŋwed uwem eke Eyen-erɔŋ, emi ekowotde toto ke eritɔŋɔ ererimbot.

ERIYARARE 14:1

EKEM ŋkut, ndien sese, Eyen-erɔŋ ke adada ke Obot Zion, thousand owo ikie ye aba ye inaŋ enyuŋ eda ye Enye, kpa mmɔ emi ekewetde enyiŋ Esie ye enyiŋ Ete Esie ke ɔkpɔ-iso mmɔ.

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 14:4

Mmɔ emi edi owo emi mikasabakere idem ye iban; koro mmɔ mikɔdɔhɔ ndɔ. Emi edi mmɔ emi etienede Eyen-erɔŋ eka ɔtɔ nte Enye akaka. Ekefak mmɔ esio ke otu owo, ete mmɔ edi akpa mbuŋwum enɔ Abasi ye Eyen-erɔŋ.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:7

Eyak nnyin idara inyuŋ idat esit, inyuŋ inɔ Enye ubɔŋ; Koro ekem ini ndɔ Eyenerɔŋ, Ŋwan Esie otim idem ebeŋe Enye;

ERIYARARE 19:9

Angel onyuŋ ɔdɔhɔ mi ete, Ɔfɔnfɔn ɔnɔ mmɔ emi ekekotde edi udia ndɔ Eyen-erɔŋ. Enye onyuŋ ɔdɔhɔ mi ete, Ikɔ emi edi ata ikɔ Abasi.

ERIYARARE 21:14

Ibibene obio onyuŋ enyene itiat-idak-isɔŋ duopeba, enyuŋ ewet enyiŋ mme apostle Eyen-erɔŋ duopeba esin ke mme itiat oro.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.

ERIYARARE 21:9

Ekem kiet ke otu mme angel itiaba, emi enyenede eso itiaba oro eyɔhɔde ye akpatre ufen itiaba, edi edidɔhɔ mi ete, Di ken, nyewut fi ŋwan-ndɔ, ŋwan Eyen-erɔŋ.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

ERIYARARE 6:1

EKEM ŋkut ke adaŋemi Eyenerɔŋ ama akadianare ufik-ŋkpɔ kiet ke itiaba oro, nnyuŋ ŋkop kiet ke otu ŋkpɔ-uwem inaŋ oro, nte ɔdɔhɔde ke uyo eke ebietde obuma, ete, Wɔrɔ di.

ERIYARARE 6:16

mmɔ enyuŋ edɔhɔ ikpɔ obot ye ikpɔ itiat, ete, Eduɔ efuk nnyin, enyuŋ edip nnyin, man nnyin ibɔhɔ iso Anditie ke ebekpo ye iyat esit Eyen-erɔŋ;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

ERIYARARE 7:17

eyo mme ufiop ekededi idinyuŋ imiaŋa mmɔ: koro Eyen-erɔŋ emi etiede ke ufɔt ebekpo eyedi Andikpeme mmɔ, eyenyuŋ ada mmɔ aka ke idim mmɔŋ uwem: ndien Abasi eyekwɔhɔre kpukpru mmɔŋ eyet ke enyin mmɔ efep.