JOEL 3:2 - Edisana ñwed Abasi Ibom

² ndien nyebon kpukpru mme idut, nda mmɔ nsuhɔre ke itihere Jehosha-phat, nnyuŋ ŋkpe ikpe ye mmɔ do, mbaŋa ikɔt mi ye Israel udeme mi, emi mmɔ ekesuande ke otu mme idut, ndien ebahare isɔŋ mi.

JOEL 3:2 ပူးပေါင်းရင်းမြစ်များ

2 CHRONICLES 20:26

Ekem ke ɔyɔhɔ usen inaŋ, mmɔ ebono ke itihere Beracah (Eridiɔŋ); koro do ke mmɔ ekɔm Jehovah: mmɔdo enyiŋ ebiet oro ekerede itihere Beracah tutu osim mfin emi.

ISAIAH 66:16

Koro Jehovah adade ikaŋ ye ofut esie ɔtɔhɔ ye ofuri obukidem: ndien mmɔ eke Jehovah owotde ewak.

ISAIAH 66:18

Ndien ami (ŋkpɔ emi mmɔ enamde enyuŋ ekerede!) Ini emedi ndibon kpukpru mme idut ye usem; ndien mmɔ eyedi edise ubɔŋ mi.

JEREMIAH 12:14

Ntem ke Jehovah ɔdɔhɔ abaŋa kpukpru mme idiɔk mbɔhiduŋ mi, emi etukde udeme emi ŋkɔnɔde ikɔt mi Israel enyene; ete, Sese, nyedibere mmɔ ke isɔŋ mmɔ mfep, nnyuŋ ndibere ufɔk Judah ke ufɔt mmɔ.

JEREMIAH 25:31

Uyom eyewɔrɔ okosim ke utit ererimbot: koro Jehovah enyenede utɔk ye mme idut, eyekpe ikpe ye ofuri obukidem; eyeda mme idiɔk owo ɔnɔ ofut. Jehovah ɔdɔhɔ.

JEREMIAH 49:1

EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

EZEKIEL 25:8

Ntem ke Ɔbɔŋ Jehovah ɔdɔhɔ, ete, Koro Moab ye Seir edɔhɔde, ete, Sese, ufɔk Judah ebiet kpukpru mme idut;

EZEKIEL 34:6

Ufene mi ediyo ke kpukpru ikpɔ obot, ye ke kpukpru edikoŋ obot: ufene mi emenyuŋ esuana ke iso ofuri isɔŋ; ndien baba owo kiet ibineke, baba owo kiet inyuŋ iyomke.

EZEKIEL 35:10

Koro afo ɔdɔhɔde ete, Mme idut iba emi, ye obio iba emi eyenyene mi, nnyin inyuŋ ida enye inyene; ndien Jehovah okodu ke esit:

EZEKIEL 36:1

NDIEN afo eyen owo tiŋ prophecy nɔ ikpɔ obot Israel, nyuŋ dɔhɔ ete, Ikpɔ obot Israel, mbufo ekop uyo Jehovah:

EZEKIEL 36:5

Mmɔdo ntem ke Ɔbɔŋ Jehovah ɔdɔhɔ, ete, Nditreke ndida ikaŋ ufup mi ndɔhɔ ikɔ mbaŋa mme idut emi esuhɔde, nnyuŋ mbaŋa ofuri Edom, emi ekenimde isɔŋ mi enɔ idem mmɔ, ete ida enye inyene, ofuri esit adat mmɔ, ukpɔŋ mmɔ onyuŋ ese ke ndek, man mben isɔŋ esie edi ŋkpɔ mbume.

EZEKIEL 38:22

Ndien nyeda idiɔk udɔŋɔ ye iyip ŋkpe ikpe ye enye; nnyuŋ nnam akwa edim, ye edim itiat, ye ikaŋ, ye brimstone, edep enye ke idem, ye ke idem mme udim esie, ye ke idem ediwak mme idut emi edude ye enye.

EZEKIEL 39:11

Ndien ama ekem ke mme usen oro nyeda ebiet ubuk owo do ke Israel nnɔ Gog, kpa ebedeŋ mmɔ eke esaŋade ebe ke edem inyaŋ emi utin asiahade: enye onyuŋ akpan mmɔ eke esaŋade ebe: ndien do ke mmɔ edibuk Gog ye ofuri otu owo esie; enyuŋ esio enye enyiŋ, Hamon-gog.

JOEL 3:12

Yak mme idut edemere enyuŋ edɔk edi ke ebedeŋ Jehoshaphat: koro nyetie do ŋkpe ikpe kpukpru mme idut emi ekande ekuk.

JOEL 3:14

Udim! udim! ke itihere ikpe: koro usen Jehovah emekpere ke itihere ikpe.

AMOS 1:11

Ntem ke Jehovah ɔdɔhɔ, ete, Idiɔk ido Edom ita ye inaŋ iyakke mi ŋkabare enye (ufen) mfep; koro enye akadade ofut ebine eyen-ete esie, onyuŋ ɔduɔk mbɔm, iyaresit esie onyuŋ osuk awai ke nsinsi, enye onyuŋ ɔkɔhɔde ifuresit esie ke nsinsi.

MICAH 4:12

Ndien mmɔ ifiɔkke uduak Jeho-vah, ekikere esie inyuŋ iŋwaŋake mmɔ: koro Enye eyetaŋ mmɔ obon nte ebek ke ɔtɔ ubek-ibokpot.

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 16:14

mmɔ edi spirit mme demon emi enamde mme idiɔŋɔ, emi enyuŋ ewɔŋɔde eka ke ɔtɔ ndidem kpukpru ekondo, nditaŋ mmɔ mbok ɔtɔ kiet edi ekɔŋ akwa usen Abasi, Andikara kpukpru ŋkpɔ.

ERIYARARE 16:16

Enyuŋ etaŋ mmɔ oro ekebok ke ebiet emi ekotde ke usem Hebrew, ete, Har-Magedon.

ERIYARARE 16:6

koro owo ema eduɔk iyip nti ikɔt Fo ye mme prophet Fo; ndien Afo omonyuŋ ɔnɔ mmɔ iyip eŋwɔŋ: mmɔ edot ufen emi.

ERIYARARE 20:8

ndien enye eyewɔrɔ edi ndibiaŋa mme idut eke edude ke ŋkaŋ isɔŋ mbinaŋ, kpa Gog ye Magog, man enye ataŋ mmɔ obok ɔtɔ kiet, ete eŋwana ekɔŋ; ibat mmɔ ebiet ibat ntan mben-inyaŋ.