JOEL 3:17 - Edisana ñwed Abasi Ibom

¹⁷ Ndien mbufo eyefiɔk ete ke ami ndi Abasi mbufo, ke nduŋ ke Zion, edisana obot mi: ndien Jerusalem eyedi edisana, isen owo idinyuŋ isaŋake aba ke esit ibe.

JOEL 3:17 ပူးပေါင်းရင်းမြစ်များ

ŊWED JOB 15:19

Emi ekenɔde mmɔ isɔŋ ke idem mmɔ ikpɔŋ, ndien baba esen owo kiet isaŋake ke otu mmɔ ibe:

ŊWED MME PSALM 76:2

Ataya esie omonyuŋ odu ke Salem, ye iduŋ esie ke Zion.

ŊWED MME PSALM 9:11

Mbufo ekwɔ enɔ Jehovah emi oduŋde ke Zion: etaŋa ese esie ke otu mme idut.

EXODUS 16:12

Mmokop nsuk-uyo nditɔ Israel; tiŋ nɔ mmɔ ete, Ke adaŋa mbubreyo, mbufo eyeta unam, ndien ke usenubɔk, eyeyuhɔ uyo; ndien mbufo eyefiɔk ete ke ami ndi Jehovah Abasi mbufo.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 35:8

Ndien ɔkpɔ-usuŋ eyedu do, ye usuŋ, ndien enye eyekere usuŋ edinen owo; baba edidehe ŋkpɔ kiet idinyuŋ isaŋake ke esit ibe; ndien eyedi eke mmɔ; mbon isaŋ, idem mme anana ibuot, ididuehe.

ISAIAH 4:3

Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JEREMIAH 31:40

Ndien ofuri ebedeŋ mme okpo ye eke ntɔŋ, ye ofuri ntaŋwaŋ ebiet tutu osim ebedeŋ Kidron, ye inuk inua-otop mme horse, ke edem usiakha-utin, eyedi edisana ebiet Jehovah; ididibekede enye, enye idinyuŋ ibiarake aba ke nsinsi.

EZEKIEL 20:40

Koro Ɔbɔŋ Jehovah ɔdɔhɔde ete, Ke edisana obot mi, ke edikoŋ obot Israel, do ke ofuri ufɔk Israel, kpukpru mmɔ ke isɔŋ, edinam ŋkpɔ mi: do ke mmɔ edinem mi esit, do ŋko ke ndiyom edimenere uwa mbufo, ye akpa ŋkpɔ eke mbufo emende ke kpukpru edisana ŋkpɔ mbufo enɔ.

EZEKIEL 37:6

nyenyuŋ nda osip ndori mbufo, nnyuŋ nnam obuk ɔkɔri mbufo ke idem, nnyuŋ mfɔri mbufo ikpa, nnyuŋ nsin mbufo ibifik ke idem, ndien mbufo eyedu uwem; enyuŋ efiɔk ete ke ami ndi Jehovah.

EZEKIEL 43:12

Emi edi ewuhɔ ufɔk emi; ke enyɔŋ akwa obot ofuri adaŋa esie emi akande okuk edi ata edisana, sese, emi edi ewuhɔ ufɔk emi.

EZEKIEL 44:9

Ntem ke Ɔbɔŋ Jehovah ɔdɔhɔ, ete, Kuyak baba eyen esen owo kiet eke minaŋa mbobi esit, minyuŋ inaŋa mbobi obukidem, oduk ke edisana ebiet mi; baba eyen esen owo kiet eke odude ke otu nditɔ Israel.

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

DANIEL 11:45

Ndien enye eyewuk mme tent ebiet-iduŋ esie ke ufaŋ mme inyaŋ ke ediye ye edisana obot; ndien enye eyesim utit esie, baba owo kiet eke anyaŋade enye iduhe.

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

JOEL 2:27

Ndien mbufo eyefiɔk ete ke ami ndodu Israel ke ufɔt, ami nnyuŋ ndi Jehovah Abasi mbufo, eŋwen inyuŋ iduhe; ikɔt mi idinyuŋ ikwe but ke nsinsi.

JOEL 3:21

Ndien nyedahado ke iyip mmɔ emi mmeŋkedahakedo ke esit: koro Jehovah oduŋde ke Zion.

MICAH 4:7

Ndien nyenim mbufo ke nsuhɔ, nnyuŋ nda mmɔ eke ekebinde efep esin ke anyan ebiet, nnim ke ɔkpɔsɔŋ obio: ndien Jehovah eyedi edidem mmɔ ke obot Zion ke nsinsi ye ke nsinsi.

NAHUM 1:15

Sese, ukot enye emi adade eti mbuk edi, emi ɔkwɔrɔde emem, edu ke ikpɔ obot! O Judah, nim ederi fo, sio mme akaŋa fo: koro oburobut owo miditɔŋɔke aba ntak isaŋa fi ke esit: emesibe enye efep ema.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.