JOEL 3:16 - Edisana ñwed Abasi Ibom

¹⁶ Ndien Jehovah eyetie ke Zion ofiori, onyuŋ etie ke Jerusalem osioro uyo esie: ndien enyɔŋ ye isɔŋ eyenyek: Jehovah eyenyuŋ edi ubɔhɔ ikɔt esie, edi odudu nditɔ Israel.

JOEL 3:16 ပူးပေါင်းရင်းမြစ်များ

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 29:11

Jehovah enenɔ ikɔt esie odudu; Jehovah eyeda emem ɔdiɔŋ ikɔt esie.

ŊWED MME PSALM 61:3

Koro afo ekedide ebiet ubɔhɔ mi, ye ɔkpɔsɔŋ tower eke ndade mbɔhɔ mme asua.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

ISAIAH 33:16

edi enye oduŋ ke enyɔŋ: mkpɔsɔŋ ebiet ikpɔ itiat edi ubɔhɔ esie: enɔ enye uyo; mmɔŋ esie itreke.

ISAIAH 33:21

Koro do ke Jehovah edidi ɔkpɔsɔŋ ke edem nnyin, ebiet akpa mmɔŋ, ye eke akwa inyaŋ; ubom eke awatde udeŋ mbakara idisaŋake ke esit, ɔkpɔsɔŋ ubom ekɔŋ idinyuŋ iwatke ke esit ibe.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

ISAIAH 51:16

Ŋkonyuŋ nsin fi ikɔ mi ke inua, nnyuŋ mfuk fi ke mfut ubɔk mi, man afo eneŋere ikpa-enyɔŋ, onyuŋ owuk isɔŋ ke itie esie, onyuŋ ɔdɔhɔ Zion, ete, Afo edi ikɔt mi.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 17:17

Kutie ye ami nte ŋkpɔ ndik: afo edi ubɔhɔ mi ke usen idiɔk.

EZEKIEL 38:19

Nyenyuŋ nda ufup mi, nda ikaŋ ifuresit mi ndɔhɔ, nte, Akamba unyek-isɔŋ iditreke ke isɔŋ Israel;

HOSEA 11:10

Mmɔ eyesaŋa etiene Jehovah: enye eyekuni nte lion: koro enye edikunide, ndien nditɔ eyeto ke edem usop-utin esɔp edi;

AMOS 1:2

Ndien enye ɔdɔhɔ ete, Jehovah etie ke Zion ofiori, onyuŋ etie ke Jerusalem okuni: ndien mbiet mme ekpeme-ufene etuaŋa, ibuot Carmel onyuŋ asat.

AMOS 3:8

Lion okuni, anie mididikheke? Ɔbɔŋ Jehovah ɔdɔhɔ, anie miditiŋke prophecy?

NAHUM 1:7

Jehovah ɔmɔfɔn, edi ɔkpɔsɔŋ ebiet ke usen ukut; enye onyuŋ ɔfiɔk mmɔ eke ebuɔtde idem mmɔ ye enye.

HAGGAI 2:6

Koro ntem ke Jehovah mme udim ɔdɔhɔ, ete, Osuk kaŋa ini kiet, enye edi esisit, ndien ami nyenyeŋe ikpa-enyɔŋ, ye isɔŋ, ye inyaŋ, ye obot;

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

ZECHARIAH 10:12

Nyenyuŋ nnam mmɔ esɔŋ ke Jehovah; ndien mmɔ eyesaŋa ke enyiŋ esie, ke edi Jehovah ɔdɔhɔ.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

ZECHARIAH 9:12

Mbufo mbon ŋkpɔkɔbi idori-enyin, efiak edi ke ɔkpɔsɔŋ ebiet: kpa mfin emi ke ndɔhɔ nte ke ndinɔ fi utim ikaba.

MME HEBREW 12:26

Uyo Esie ekenyeŋe isɔŋ adaŋoro; edi ke emi Enye ɔŋwɔŋɔ ete, Osuk kaŋa esisit, ndien Ami nyenyeŋe isɔŋ ye enyɔŋ ŋko.

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.

ERIYARARE 11:19

Ekem eberere temple Abasi emi odude ke heaven; enyuŋ ekut ekebe ediomi Esie ke temple Esie; ndien emireŋ-mireŋ, ye mme uyo, ye obuma, ye unyek-isɔŋ, ye ɔkpɔsɔŋ edim-itiat etibe.

ERIYARARE 16:18

Ndien emireŋ-mireŋ ye mme uyo, ye obuma etibe, akamba unyek-isɔŋ onyuŋ odu, ke utɔ ido nte akanam miduhe tɔŋɔ ini owo ekedude ke isɔŋ.

1 SAMUEL 15:29

Ndien ŋko Odudu Israel idisuhe nsu, idinyuŋ ikabakere esit: koro enye midige owo eke akabarede esit.