JOEL 3:1 - Edisana ñwed Abasi Ibom

¹ KORO, sese, ke eyo oro, ye ke ini oro ndidade nditɔ Judah ye eke Jerusalem emi eketaŋde efep, nnyɔŋ ndi,

JOEL 3:1 ပူးပေါင်းရင်းမြစ်များ

ŊWED MME PSALM 14:7

Erinyaŋa Israel akpakam oto ke Zion! Ke adaŋemi Jehovah afiakde etiene ikɔt esie emi eketaŋde efep, Jacob eyebre, Israel eyedara.

ŊWED MME PSALM 85:1

O JEHOVAH, afo ɔmɔfɔn ido ye isɔŋ fo: amafiak etiene nditɔ Jacob emi eketaŋde efep.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

JEREMIAH 16:15

Edi, “ma uwem Jehovah emi akadade nditɔ Israel ke edem edere, ye ke kpukpru mme idut eke enye ekebinde mmɔ, ɔdɔk”: ndien nyeda mmɔ mfiak ke isɔŋ mmɔ emi ŋkɔnɔde mme ete mmɔ.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 30:18

Ntem ke Jehovah ɔdɔhɔ, ete, Sese, ami nyeda mme tent Jacob emi eketaŋde efep mfiak ndi, nnyuŋ ntua iduŋ esie mbɔm; eyenyuŋ ebɔp obio ke obot esiemɔ, ndien ufɔk edidem eyetie nte enye akam esitiede.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

EZEKIEL 16:53

Ndien ami nyeyak mbon ntaŋ-mfep mmɔ efiak, kpa mbon ntaŋ-mfep Sodom ye nditɔ-iban esie, ye mbon ntaŋ-mfep Samaria, ye nditɔ-iban esie, ye ntaŋ-mfep ke otu mbon ntaŋ-mfep fo ke otu mmɔ ŋko:

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

JOEL 2:29

Nyenyuŋ ŋŋwaŋa spirit mi ke eyo oro nnɔ ifin-iren ye ifin-iban mbufo.

AMOS 9:14

Ndien nyeda ikɔt mi Israel emi eketaŋde efep nnyɔŋ ndi: ndien mmɔ eyebɔp mme obio emi enade ikpikpu, ndien eduŋ (ke esit); mmɔ eyenyuŋ etɔ iŋwaŋ-vine, enyuŋ eŋwɔŋ wine mmɔ: enyuŋ enam iŋwaŋ, ndien edia mfri mmɔ.

NUMBERS 11:29

Ndien Moses ɔdɔhɔ ete, Nte afo ofibe ufup ɔnɔ mi? Ofuri ikɔt Jehovah ekpakam ekabare edi prophet: Jehovah akpakam ɔnɔ mmɔ spirit esie!

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

DEUTERONOMY 30:3

ndien Jehovah Abasi fo eyenam fi oto ke itie ufin fo afiak, onyuŋ atua fi mbɔm, onyuŋ ɔtɔŋɔ ntak ataŋ fi ke kpukpru mme idut eke Jehovah Abasi fo akasuande fi ekesin do.