JOEL 2:32 - Edisana ñwed Abasi Ibom

³² Ndien ama ekem, kpukpru owo eke esemede ekot enyiŋ Jehovah eyebɔhɔ: ndien mmɔ eke ebɔhɔde eyedu ke obot Zion ye ke Jerusalem, kpa nte Jehovah ɔkɔdɔhɔde, ye ke otu mmɔ eke esukde emi Jehovah okotde.

JOEL 2:32 ပူးပေါင်းရင်းမြစ်များ

GENESIS 4:26

Ndien eyen-eren onyuŋ amana ɔnɔ Seth ŋko; ndien enye osio enye enyiŋ Enos. Ke ini oro etɔŋɔ ndikot Jehovah ke enyiŋ Esie.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ISAIAH 10:22

Koro okposuk edi nte nditɔ fo, O Israel, ewakde nte ntan inyaŋ, esisit mmɔ ikpɔŋ edifiak: nsobo ɔmɔwuhɔ eke edinamde edinen ikpe ɔyɔhɔ nte mmɔŋ.

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 11:16

Ndien ɔkpɔ-usuŋ eyena ɔnɔ nsuhɔ ikɔt esie, eke Asshur edisuhɔde; kpa nte akanade ɔnɔ Israel ke usen oro enye otode ke Egypt ɔdɔk.

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

JEREMIAH 31:7

Koro ntem ke Jehovah ɔdɔhɔ, ete, Mbufo ekwɔ ke idaresit enɔ Jacob, enyuŋ efiori ɔkpɔsɔŋ ke otu akpan mme idut: mbufo ekwɔrɔ, etoro, enyuŋ edɔhɔ, ete, O Jehovah, nyaŋa ikɔt fo, nditɔ Isreal emi esuhɔde.

JEREMIAH 33:3

Seme kot mi, ndien nyeyere fi, nnyuŋ ŋwut fi ikpɔ ye ata mkpɔsɔŋ ŋkpɔ eke afo mufiɔkke mmɔ.

AMOS 9:8

Sese, Ɔbɔŋ Jehovah etiŋ enyin ke idiɔk idut emi, nyenyuŋ nsobo enye ke iso ererimbot mfep; edi ndisoboke ufɔk Jacob kpukpru;

OBADIAH 1:17

Edi ubɔhɔ eyedu ke obot Zion, enye eyenyuŋ edi edisana; ufɔk Jacob eyenyuŋ eda udeme mmɔ.

OBADIAH 1:21

Ndien mbon eke enyaŋade eyedɔk ke obot Zion, edikpe ikpe obot Esau, ndien Jehovah eyeda ubɔŋ.

MICAH 5:3

Mmɔdo enye eyeyak mmɔ ɔnɔ, tutu ŋwan eke amande aman ama: ndien nditɔ-ete esie eke esukde eyefiak etiene nditɔ Israel.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

JOHN 10:16

Mmonyuŋ nnyene mme erɔŋ eŋwen, emi mitoho ke ufɔk-erɔŋ emi; nnyene ndida mmɔ ŋko ndi, ndien mmɔ eyekop uyo Mi; ndien mmɔ eyekabare edi otu-erɔŋ kiet, Ekpeme-erɔŋ kiet eyenyuŋ odu.

JOHN 4:22

Mbufo etuak ibuot enɔ se mbufo mifiɔkke: nnyin ituak ibuot inɔ se ifiɔkde: koro erinyaŋa otode mme Jew.

UTOM MME APOSTLE 15:17

Man mme owo eke esuhɔde ekpeyom Ɔbɔŋ, Ye kpukpru mme Gentile, emi esiode mmɔ enyiŋ Mi;

UTOM MME APOSTLE 2:39

Koro uŋwɔŋɔ oro enyene mbufo ye nditɔ mbufo ye kpukpru mmɔ emi edude nsan-nsan, adaŋa owo nte Jehovah Abasi nnyin edikotde etiene Enye.

ŊWED MBON ROME 11:26

ndien ke usuŋ emi ke eyenyaŋa ofuri Israel; kpa nte ewetde ete, Andinyaŋa eyeto ke Zion edi, Enye eyesio ukwaŋido efep ke Jacob:

ŊWED MBON ROME 11:5

Ntre ŋko ke nsuhɔ odu ke emi emekde mmɔ oto ke mfɔn.

ŊWED MBON ROME 11:7

Idɔhɔ didie ndien? ite, Israel ikekwe se enye oyomde; edi mmɔ emi emekde ema ekut;

ŊWED MBON ROME 9:24

kpa nnyin, emi Enye okonyuŋ okotde, idige ke otu mme Jew ikpɔŋ, edi ke otu mme Gentile nde?

ŊWED MBON ROME 9:27

Edi Isaiah ofiori abaŋa Israel ete, Ibat nditɔ Israel akpawakde nte ntan mben inyaŋ, edi nsuhɔ ke edinyaŋa:

1 ŊWED CORINTH 1:2

ye Sosthenes eyen-ete nnyin, enɔ ŋwed emi esɔk ufɔk Abasi emi odude ke Corinth, kpa mmɔ emi ema ekedianare enim enɔ Abasi ke Christ Jesus, enyuŋ ekotde ete edidi nti ikɔt Abasi, nte ekokotde kpukpru mmɔ emi edude ke kpukpru ebiet eseme ekot Ɔbɔŋ nnyin Jesus Christ ke enyiŋ, emi edide Ɔbɔŋ mmɔ ye eke nnyin nde.

MME HEBREW 12:22

Edi mbufo ekesaŋa ekpere Obot Zion, ye Obio Abasi uwem kpa Jerusalem enyɔŋ, ye ata ediwak angel, ye akwa esop ye ufɔk Abasi eke mmɔ emi edide ikpan,