JOEL 2:30 - Edisana ñwed Abasi Ibom

³⁰ Nyenyuŋ nnɔ mme utibe ŋkpɔ ke enyɔŋ ye ke isɔŋ, iyip, ye ikaŋ, ye nsuŋikaŋ ebiet adaha.

JOEL 2:30 ပူးပေါင်းရင်းမြစ်များ

GENESIS 19:28

ndien enye owuk enyin ese edem Sodom ye Gomorrah, ye ofuri edem una-isɔŋ oro, ndien enye okut, ndien, sese, nsuŋikaŋ idut oro ke ɔdɔdɔk nte nsuŋikaŋ

IKWƆ SOLOMON 3:6

Anie owo edi emi otode ke wilderness ɔdɔk, ebiet adaha nsuŋikaŋ, ososio ufuɔŋ myrrh ye frankincense, ke kpukpru ufuɔ-ŋkpɔ mbon urua?

JEREMIAH 4:28

Emi eyesin isɔŋ atua, esin ikpa-enyɔŋ ke enyɔŋ ebire: koro mmɔdɔhɔ, mmaduak, ndien ndituaha mkpɔfiɔk, ndinyuŋ ŋkabakede ŋkpɔŋ enye.

ZECHARIAH 14:6

Ndien ama ekem ke usen oro uŋwana ididuhe: ŋkpɔ uto eyedaŋa.

MATTHEW 24:29

Edi ukut mme usen oro ama ekebe, idaha oro utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenuŋ enyeŋe mme odudu ikpa-enyɔŋ.

LUKE 21:11

ikpɔ unyek-isɔŋ eyedu; akaŋ ye mme idiɔk udɔŋɔ eyenyuŋ edu ke nsio-nsio ebiet; ŋkpɔ ndik ye ikpɔ idiɔŋɔ eyenyuŋ ewut idem ke ikpa enyɔŋ.

JOSHUA 8:20

Ndien mbio-obio Ai ekabare ese edem ekut, ndien, sese, nsuŋikaŋ obio mmɔ ɔdɔk ke enyɔŋ; ndien mmɔ ikwe nte efeŋede eka nnasia, mme ufien, ke edem mbiba; ndien mbon oro efeŋede eka edem wilderness, efiak edem eŋwana ye mme andibine.

ERIYARARE 18:18

eda nsan-nsan ese nsuŋ-ikaŋ emi enye ɔfɔbɔde ke esit, efiori ete, Ewe obio etie nte akwa obio?

ERIYARARE 18:9

Ndien ndidem isɔŋ, emi ekenamde use ye enye, enyuŋ edude uwem edinem-edinem ye enye, eyetuaŋa enyuŋ eseme enye, ke adaŋemi mmɔ esede nsuŋikaŋ emi enye ɔfɔbɔde ke esit; eyeda nsan-nsan ɔnɔ ndik ndutuhɔ esie, ete,

ERIYARARE 8:7

Akpa angel ofri; ndien edim-itiat ye ikaŋ, eke abuahade ye iyip, etibe, enyuŋ eŋwaŋa mmɔ eduɔk ke isɔŋ; ndien ikaŋ ata ubak isɔŋ kiet ke itie ita, onyuŋ ata ubak eto kiet ke itie ita, onyuŋ ata ofuri awawa mbiet.

JUDGES 20:38

Ndien nditɔ Israel ye mbon-udibe ekenim idiɔŋɔ kiet, ete, Yak mmɔ enam akamba nsuŋ-ikaŋ ɔwɔrɔ ke obio ɔdɔk ke enyɔŋ.

JUDGES 20:40

Ekem ediwak nsuŋikaŋ ɔtɔŋɔ ndito ke obio ndɔk nte adaha, ndien Benjamin ekabare ese edem, ndien, sese, ofuri obio asak ikaŋ ɔdɔk ke enyɔŋ.