JOEL 2:3 - Edisana ñwed Abasi Ibom

³ Ikaŋ ebem mmɔ iso ata; edemikaŋ onyuŋ etiene mmɔ edem ɔfɔp: isɔŋ ebiet iŋwaŋ Eden ke iso mmɔ, ndien ikpikpu wilderness odu mmɔ ke edem;

JOEL 2:3 ပူးပေါင်းရင်းမြစ်များ

GENESIS 13:10

Ndien Lot emenere enyin esie, ese ofuri una isɔŋ Jordan, nte mmɔŋ awakde ke esit kpukpru, ke Jehovah mika isoboke kaŋa Sodom ye Gomorrah, nte iŋwaŋ Jehovah, nte isɔŋ Egypt, ke edem Zoar.

GENESIS 2:8

Jehovah Abasi onyuŋ ɔtɔ iŋwaŋ ke Eden ke edem usiaha-utin; onyuŋ emen owo emi enye okobotde onim do.

ŊWED MME PSALM 50:3

Abasi nnyin eyedi, idinyuŋ idopke uyo: ikaŋ eyebem enye iso ata, oyobio onyuŋ ofime ɔkpɔsɔŋ akan enye okuk.

ŊWED MME PSALM 97:3

Ikaŋ ebem enye iso asaŋa, onyuŋ ɔfɔp mme asua esie emi ekande enye ekuk.

EXODUS 10:15

Ndien mmɔ efuk ofuri iso isɔŋ, isɔŋ onyuŋ okim; mmɔ enyuŋ eta kpukpru mbiet iŋwaŋ, ye kpukpru mfri eto eke edim-itiat ɔkɔsuhɔde; ndien mmɔ isuhɔke baba se idide awawa ke eto, ye ke mbiet inwaŋ, ke ofuri isɔŋ Egypt.

EXODUS 10:5

ndien mmɔ eyefuk iso isɔŋ, nte owo midikemeke ndikut isɔŋ: mmɔ eyenyuŋ eta se ikosukde, emi ɔkɔbɔhɔde, emi edim-itiat ɔkɔkpɔŋde ɔnɔ mbufo, eyenyuŋ eta kpukpru eto eke etibede enɔ mbufo ke iŋwaŋ.

ISAIAH 14:17

anam ekondo akabare edi wilderness, onyuŋ owuri mme obio esie; inyuŋ isanake mbuot ekɔŋ esie iyak eka edem mmɔ?”

ISAIAH 15:6

Koro mmɔŋ Nimrim eyekabare edi ndobo: koro nnyanyaŋa amasat, mbiet omokure, awawa ikɔŋ iduhe aba.

ISAIAH 33:4

Ndien eyetaŋ mbume mbufo, kpa nte idiaŋ ataŋde; ebiet nyɔrɔ emi ŋkukuŋkpɔyɔriyɔ eyɔrɔde ke esit.

ISAIAH 51:3

Koro Jehovah ɔmɔdɔŋ Zion esit: ɔmɔdɔŋ kpukpru mme ŋwure esie esit; omonyuŋ anam wilderness esie ebiet Eden, anam desert esie ebiet iŋwaŋ Jehovah; eyekut mbre ye idara ke esit, ekɔm, ye uyo ikwɔ.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

EZEKIEL 36:35

Ndien mmɔ eyedɔhɔ, ete, Isɔŋ emi akabiarade akabare ebiet iŋwaŋ Eden; ndien mme obio ŋko emi ekesobode enyuŋ ebiarade, enyuŋ ewurede, emekabare enyene ibibene, owo enyuŋ eduŋ mmɔ.

AMOS 7:4

Ntem ke Ɔbɔŋ Jehovah owut mi: ndien, sese Ɔbɔŋ Jehovah okot, ete eda ikaŋ eŋwana; ndien enye ata akwa inyaŋ, onyuŋ ata obot.

HABAKKUK 1:6

Koro, sese, ami mmɔŋ ndemere mme Chaldean, ndot-ndot ye owowo idut oro asaŋade ke ntaŋwaŋ ebiet ererimbot, ndida ebiet iduŋ emi minyeneke enye.

ZECHARIAH 7:14

ndien ami nsuan mmɔ nnyeŋe ke otu kpukpru mme idut emi mmɔ mifiɔkke: ndien isɔŋ emi ana ikpikpu ke edem mmɔ: owo isaŋake ibe, inyuŋ ifiakke edem: mmɔ enyuŋ enam edifɔn isɔŋ emi akabare edi ikpikpu.